Жапаров Тажикстанга барды

Описание: Кыргыз Республикасынын Президенти Садыр Жапаров бүгүн, 9-октябрда, Президент Эмомали Рахмондун чакыруусу боюнча Тажикстан Республикасына иш сапары менен келди. Мамлекет башчысынын учагы Душанбе шаарынын эл аралык аэропортуна конду.

Аэропортто КМШга мүчө-өлкөлөрдүн мамлекеттик туулары илинип, килем төшөлүп, ардак кароол тизилген.

Президент Садыр Жапаровду Тажикстандын Премьер-министри Кохир Расулзода жана башка расмий адамдар тосуп алышты.

Мамлекет башчысы сапарынын жүрүшүндө «Борбор Азия – Россия» экинчи саммитине жана Көз карандысыз Мамлекеттер Шериктештигинин (КМШ МБК) мамлекет башчыларынын кеңешинин жыйынына катышат.

Ошондой эле КМШ мейкиндигинде жана «Борбор Азия – Россия» форматында практикалык өз ара аракеттенүүгө кошумча түрткү берүүгө багытталган бир катар биргелешкен документтерди кароо жана кабыл алуу күтүлүүдө.

#Кыргызстан#GovoriTV#Жаңылыктар#Новости