SSPP/SSA ဖမ်းထားတဲ့ TNLA စစ်သား ၇ဦး ပြန်လွတ်လာ

Описание: SSPP/SSA ဖမ်းထားတဲ့ TNLA စစ်သား ၇ဦး ပြန်လွတ်လာ
—-----------
ရှမ်းပြည်တပ်မတော်(SSPP/SSA) က ဖမ်းဆီးထားတဲ့ တအာင်းအမျိုးသားလွတ်မြောက်ရေး တပ်မတော်(TNLA)ရဲ့ တပ်သား ၇ဦးကို ဇွန်လ ၂၄ရက်နေ့မှာ ပြန်လွတ်ပေးလိုက်ပြီလို့ TNLA ရဲ့ ပြန်ကြားရေးအရာရှိက ပြောပါတယ်။

ဇွန် ၂၃ ရက်က ရှမ်းပြည်နယ်မြောက်ပိုင်း မိုးမိတ်မြို့နယ်မှာ နှစ်ဖက်တပ်တွေ တိုက်ပွဲ
ဖြစ်ပွားပြီးတဲ့နောက် SSPP အဖွဲ့ဘက်ကနေ လက်နက်တချို့ သိမ်းဆည်းပြီး TNLA ရဲ့ကျေးရွာ အခြေစိုက် တပ်သားတွေအပါဝင် ၇ဦးကို ကို ဖမ်းဆီးသွားခဲ့တာပါ။

SSPP ဘက်ကတော့ သူတို့တပ်စွဲထားရာနေရာကို TNLA က စစ်ကြောင်းထိုးလာတာကြောင့် တိုက်ခိုက်ရတာလို့ ထုတ်ပြန်ပါတယ်။ အသေးစိတ်အခြေအနေ သိရဖို့ SSPP/SSA ထံ Myanmar Now က ဆက်သွယ်မေးမြန်းရာမှာ မြေပြင်အခြေအနေ အသေးစိတ် မသိရတဲ့အတွက် မဖြေကြားနိုင်ကြောင်း SSPP/SSA တာဝန်ရှိသူက တုံ့ပြန်ပါတယ်။

SSPP/SSA တပ်အနေနဲ့ အခုလို TNLA တပ်တွေကို နှောင့်ယှက်တိုက်ခိုက်ခြင်းက တော်လှန်ရေးကို ကြန့်ကြာစေနိုင်တာကြောင့် SSPP နဲ့ ဆွေးနွေးညှိနှိုင်းဖို့
ကြိုးစားနေတယ်လို့ TNLAဘက်က ဆိုပါတယ်။

ကိုလှိုင်း/Myanmar Now