Rollaen Thranag| Iqbal Sabir | Poet: Bahad Bahaar
Автор: Iqbal Sabir Official
Загружено: 2026-01-22
Просмотров: 1542
Описание:
نظم : رولَہیں تْرانگ: باھَڑ بَہار
جی منی بانگْواہ ءِ سَمِین سَارتیں
تَو مُدام ڈِیھ ءِ زِیداں کَشّات ئے!
چِست کنت بِیگاہ ءَ شَمال دَنْزاں
دِل چو بے ماتیں ھِرّے ءَ دَنز اِیت
شِنگ اَنت چو شِینک ءَ رولَہیں تْرانگ
کَوش شِیکّیت تئی زَھیر لیلّار اِیت
جَمبَرے شَنزیت بُو تئی آتار اِیت
بِیدِ تَو! ھَورانی منی ساھیل
ساوڑی نودانی ھَمک تَرمپُک
مُنّہیں داگ اَنت مئے سرا گْواراں!
او زَمین رَنگیں آزماں گْونگ
موسم ءَ کَشتہ دوچی ایں جامَگ
اِمبری دْرچکانی سَریگ سَیاہ اَنت
اِمبری کَہیراں نیست چُملب گُوش ءَ
اِمبری پُلّک نیست چِشاں پونْز ءَ
پَنّ نَیا اَنت پُلّانی تَنّکیں لُنٹ
نیست گْور ءَ مَچّانی جَوک ءُ ھَار
امبری ھامین مینے ءَ کپتہ
اِمبری ناشی ءِ نَپس تَبد اِنت
اِمبری سَنج ءِ رَنگ مُج ءُ گَرد اِنت
گَچئیں اِستینّ بُو بھارگاہ ئے
شِیپاں چو نوک آپ ءَ بِہ مَلّات ئے!
روچ وتی چَمّاں پَچ نہ کنت سَھتے
اے جَھان تامور اِنت شپ ءَ گِپتہ
وَھد وتی جاہ ءَ چہ نہ کنت ٹِکّت
گْوات چہ کَبگی ملّگاں کَپتہ
سُھب چہ بیگاہ ءَ گِسر بیتہ
گُلزمین مُرگانی کبَس ءَ اِنت
آزماں زِندان ءَ بَرگ بیتہ
حِدر ءِ کَندیل ءِ روک ءُ رُژنائی
سَبز چو سَبزیں ساوڑ ءَ بات ئے!
جی منی بانگْواہ ءِ سَمِین سَارتیں
تَو مُدام ڈِیھ ءِ زِیداں کَشّات ئے!
Повторяем попытку...
Доступные форматы для скачивания:
Скачать видео
-
Информация по загрузке:
