မျက်​ဖြေလင်္ကာ

Описание: မျက်ဖြေလင်္ကာ
===========
သူတည်းတစ်ယောက်၊ ကောင်းဖို့ရောက်မူ
သူတစ်ယောက်မှာ၊ ပျက်လင့်ကာသာ
ဓမ္မတာတည်း ။

ရွှေအိမ်နန်းနှင့်၊ ကြငှာန်းလည်းခံ
မတ်ပေါင်းရံလျက် ၊ ပျော်စံရိပ်ငြိမ်
စည်းစိမ်မကွာ ၊ မင်းချမ်းသာကား
သမုဒ္ဒရာ ၊ ရေမျက်နှာထက်
ခဏတက်သည့်၊ ရေပွက်ပမာ
တစ်သက်လျာတည်း ။

ကြင်နာသနား ၊ ငါ့အားမသတ်
ယခုလွှတ်လည်း ၊ မလွတ်ကြမ္မာ
လူတကာတို့ ၊ ခန္ဓာခိုင်ကြည်
အတည်မမြဲ ၊ ဖောက်လွှဲတတ်သည့်
အချွတ်စသာ ၊ သတ္တဝါတည်း ။

ရှိခိုးကော်ရော် ပူဇော်အကျွန်
ပန်ခဲ့တုံ၏ ၊ ခိုက်ကြုံဝိပါက်
သံသရာစက်၌ ၊ ကြိုက်လတ်တွန်မူ
တုံ့မယူလို ၊ ကြည်ညိုစိတ်သန်
သခင်မွန်ကို ၊ ချန်ဘိစင်စစ်
အပြစ်မဲ့ရေး ၊ ခွင့်လျှင်ပေး၏
သွေးသည် အနိစ္စာ၊
ငါ့ခန္ဓာတည်း ။
(( အနန္တသူရိယ အမတ်))

#poem
#Ai
#motivation