Top Channel/ CNN: Nga dosjet Epstein mungojnë të dhëna të FBI-së, “zhduken” akuzueset e Trumpit!

Описание: Dhjetëra intervista të dëshmitarëve të FBI-së të realizuara në kuadrin e hetimeve ndaj Jeffrey Epstein, mungojnë në morinë e dokumenteve të publikuara muajin që shkoi nga Departamenti aamerikan të Drejtësisë, thotë CNN. Sipas medias të njohur, këtu përfshihen edhe tre intervista të lidhura me një grua e cila e kishte akuzuar presidentin Donald Trump për sulm seksual ndaj saj dekada më parë. Prova të dorezuara avokatëve të bashkëpunëtores së Epstein, Ghislaine Maxëell, përmbanin numra serialë për rreth 325 intervista të FBI-së me dëshmitarë. Megjithatë, më shumë se 90 prej këtyre materialeve, apo mbi një e katërta e totalit , nuk rezultojnë të jenë të publikuara në faqen zyrtare të Departamentit të Drejtësisë, sipas analizës së CNN. Në mesin e këtyre dokumenteve mungojnë tre intervistat e akuzuezes së presidentit amerikan, vazhdon shkrimi. Më herët, një ligjvënës demokrat ngriti shqetësime lidhur me mungesën e këtyre dokumenteve, duke vënë në pikëpyetje transparencën e publikimit, ndërsa hodhi dyshime nëse administrata Trump ka respektuar ligjin që e detyronte agjencinë të bënte publike dosjet lidhur me financierin e pasur që vdiq në burg në vitin 2019, ndërsa përballej me akuza për trafikim seksual. “Kemi një të mbijetuar që ka hedhur akuza serioze ndaj presidentit. Por ekziston një grup dokumentesh- që duket se janë intervista të mundshme të kryera nga FBI me këtë të mbijetuar- që janë zhdukur dhe tek të cilat ne nuk kemi qasje”, tha për CNN përfaqësuesi Robert Garcia, demokrat në Komitetin e Mbikëqyrjes së Dhomës së Përfaqësuesve. Trump ka mohuar vazhdimisht çdo shkelje në lidhje me Epstein. Në një reagim të saj, Shtëpia e Bardhë i cilësoi akuzat ndaj tij si “të rreme dhe me qëllim të vetëm bujën”. Edhe një zëdhënës i Departamentit të Drejtësisë mohoi që të jetë fshirë ndonjë material i lidhur me Epstein, dhe e theksoi me forcë se institucioni ka vepruar në përputhje me ligjin.

Pamjet: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#CNN#Epstein#TopChannelNews