ما هي المدة الطبيعية للعلاقة الحميمية؟

Описание: مرحباّ


اليوم راح نحكي عن المدة الطبيعية للعلاقة الجنسية، وبدنا نبلش بأول كلمة وللي هي طبيعية، وهون بحب ذكر، انو مافي شئ اسمه طبيعي بالعلاقة الجنسية، يعني طالما الشريكين مبسوطين يعني هذا الشئ طبيعي، طالما مافي شريك عم يجبر اويغصب و يزعج الثاني او مافي شئ شريك مقهور من شئ يعني العلاقة راح تكون طبيعية.


لانو الوقت بيختلف من الشخص لثاني، اذا بناخذ الاحصاءات وبناخذ جسد لرجل ومرأة، بنعرف انو الرجل من دقيقة الى 3 دقائق فيه يوصل للقذف، وبنعرف المرأة بدها من 5 الى 15 دقيقة تا توصل لنشوة.


يعني في كثير فرق بين الاثنين، فا كيف بدنا نحكي عن المدة الطبيعية الخاصة بالعلاقة الجنسية؟ لانو عم ننسى انو العلاقة الجنسية مش بس ادخال عضو بعضو آخر.


العلاقة الجنسية هي مداعبات الاولية والقبلات، هي الحوار بين شخصين، هي العناق والاحضان بعد العلاقة الجنسية، يعني في كثير مكونات بالعلاقة الجنسية.


لذلك اذا بدنا نشوف مزبوط شو هو الوقت للي بيعطي الرضئ الكافي، هذا الشئ بيختلف بين الشريكين، يعني اذا المرأة بحاجة للادخال تا توصل لنشوة راح تحتاج مدة اطول للوصول لنشوة، يعني بدها تطلب من شريكها ربما يستمر من 5 الى 7 دقائق.


بس اذا هي من النوع للي بيوصل لنشوة من المداعبات الخارجية ما بهمها هالقد مدة العلاقة الجنسية، قد ما بيكون يهمها انو الرجل يهتم فيها بالمداعبات وانو تكون المداعبات طويلة. #الممارسة_الحميمة
#مشكلات_جنسية
#النشوة
#العذرية
#إمتاع_الذات