Икра хэрхэн хийх вэ?

Описание: ИКРА ХИЙЖ СУРЦГААЯ!
Хоолны амтыг нэмэх соус, хачир болон талхны хольц байдлаар хэрэглэж болох ИКРА-г гэрийн аргаар хэрхэн хийх, мөн шим тэжээлийг алдагдуулалгүй, удаан хадгалах аргыг энэхүү видеоноос суралцаарай!
🥣Бүтээгдэхүүний ОРЦЫН хэмжээ /500гр-ын 2 шил/
1. Хулуу-2ш
2. Лууван-4-5ш
3. Сонгино-2ш
4.Томатны паста-1х.х
5. Ургамлын тос
6. Сармис-1 хумс
7. Лаврын навч-1ш
8. Давс-2ц.х
9. Элсэн чихэр-1ц.х
10. Хар перец
🤲Бүтээгдэхүүн хийх ЖОР, ЗААВАР:
✅Бэлтгэл хэсэг
-Ногоон хулуугаа хальсалж, гол хэсгийн үрийг салгах шаардлагатай. Цэвэрлэсэн хулуу, луувангаа жижиг дөрвөлжин хэрчиж бэлдэнэ.
-Халааж бэлтгэсэн хайруулын тавгандаа ургамлын тосоо хийж сонгино, луувангаа 3-5 минут шаргал болтол хуурна. Үүний дараагаар хулуу болон давсаа хийж зөөлөн гал дээр 7-8 минут жигнэнэ.
-Жигнэсэний дараагаар бусад амтлагчуудаа хийж 15 минут жигнэж болгоно.
-Бэлэн болсон ногоогоо бутлагчинд хийж бутална.
✅Шилэнд савлаж, технологийн дагуу ЧАНАЖ АРИУТГАХ ХАМГИЙН ЧУХАЛ хэсэг
1. Бэлтгэсэн икрага шилэндээ савлаж, тагыг нар буруу 2 удаа дугаргаж, нар зөв 1 удаа эргүүлж чангална.
2. Тагласан бүтээгдэхүүнээ 100 градуст буцалж буй усанд хийх ба бүтээгдэхүүний тагийг давсан хэмжээний ус байхыг анхаараарай.
3. Бүтээгдэхүүнээ хийж 30 минут чанаж, ариутгасаны дараа хүйтэн усаар сойно.
4. Бүтээгдэхүүний ТАГ дотогшоогоо татагдсан байвал бүрэн ариутгал хийгджээ гэж үзнэ.
Энэхүү бүтээгдэхүүнээ 1 жилийн хугацаанд нарны тусгалаас хол хадгалж хэрэглэж болно.
Танд амжилт хүсье!