L4L5S1 spinal stensois causing foot drop | Mohoron ka operation mat krwana

Описание: Unhon ne spine surgery is liye mana kar di kyun ke unhain kaha gaya tha ke surgery se paralysis ho jata hai lekin jab wo hum tak pohanchain tab wo pehle hi paralyzed ho chuki theen. Ye bilkul haqeeqi case hai. Aur ye hai L4–L5–S1 spinal stenosis ki wajah se honay wali foot drop ki dardnaak haqeeqat. Foot drop aik din mein nahi hoti. Pehle kamar aur tang ka dard, sunnpan, jalan, kamzori phir ghalat mashwaron, khauf aur myths ki wajah se surgery delay hoti rehti hai.
Aksar patients quacks, non-specialists aur jali hakeemon ke paas jatay hain jahan dawa, injections aur massages sirf symptoms chhupa dete hain, jab ke nerve damage khamoshi se barhta rehta hai. Sab se bara myth kya hai?
👉 “Spine surgery se paralysis ho jata hai.”
Haqeeqat ye hai ke paralysis surgery se nahi, surgery delay karne se hota hai.
Is video mein main:
Aik real patient story share karunga
Samjhaunga ke L4–L5–S1 spinal stenosis foot drop kaise paida karti hai. Aur ye bhi ke time par diagnosis aur surgery se ye nuqsan roka ja sakta hai. Main aap ko yaqeen dilana chahta hoon aaj ki neurosurgery se darrnay ki koi zarurat nahi. Modern spine surgery ke saath jaise neuronavigation, intra-operative neuro-monitoring aur advanced surgical tools surgery bohat zyada safe, precise ho chuki hai aur recovery bhi kaafi fast hoti hai.
Main latest state-of-the-art neurosurgical gadgets istemal karta hoon taake spine surgery maximum safety ke saath ki ja sake, aur results bilkul international reputed hospitals jaisay milain lekin farq sirf cost ka hota hai.
Ye video un logon ke liye hai jo:
Dard bardasht kar rahay hain
Surgery se darr rahay hain
Ya ghalat mashwaron ki wajah se delay kar rahay hain
Yaad rakhiye:
Early diagnosis aur time par treatment se spinal stenosis ki wajah se honay wali foot drop ko roka ja sakta hai. Lekin delay permanent paralysis ban sakta hai.