ស្ទឹងសង្កែស្នេហ៍បាត់ដំបងច្រៀងដោយ ស៊ីន ស៊ីសាមុត || Steung Songkae Sneah Battambang (lyric)

Описание: ស្ទឹងសង្កែស្នេហ៍បាត់ដំបង
ច្រៀងដោយ ស៊ីន ស៊ីសាមុត
និពន្ធបទភ្លេង ស៊ីន ស៊ីសាមុត
និពន្ធទំនុកច្រៀង ស៊ីន ស៊ីសាមុត
វង់ភ្លេងប្រគំដោយ មែរ ប៊ុន
ចម្រៀងក្នុងកាស្សែត អនុស្សាវរីយ៍ផ្ទៃសមុទ្ទខ្មែរ ទី ២
................................................................

១ - រាត្រីដែលបានជួបនឹងនួនល្អង នៅបាត់ដំបងមាត់ស្ទឹងសង្កែ
យើងទាំងពីរនាក់សច្ចាស្បថស្បែ ក្រោមដួងព្រះខែរះពេញបូណ៌មី

២ - រៀមលូកដៃឱបក្រសោបកាយអូន រាត្រីស្ងាត់សូន្យដោយស្នេហ៍ភក្ដី
ភក្ដ្រអើយភក្ត្រអូនញញឹមមានន័យ ប្រហើរក្លិនស្រីជាប់នឹងដៃបង

បន្ទរ - រាត្រីរនោចផ្ដួចផ្ដើមនឹកពៅ សល់តែតាវៅសាសព្ទឆ្លើយឆ្លង
ជំនួសពាក្យអូនដែលធ្លាប់សាសង នៅបាត់ដំបងមាត់ស្ទឹងសង្កែ

៣ - សូមផ្ដាំតាមទឹកផ្ញើនឹកតាមខ្យល់ ឲ្យឆោមនិមលវិលមករកស្នេហ៍
ដូចរាត្រីកាលពេញបូណ៌មីខែ នាស្ទឹងសង្កែក្រុងបាត់ដំបង