ತಿಗಳ ಚೌಡದೇನಹಳ್ಳಿ ಜಾತ್ರೆ ಮಹೋತ್ಸವ

Описание: ದೊಮ್ಮಸಂದ್ರ ನ್ಯೂಸ್.

ಆನೇಕಲ್ ತಾಲ್ಲೂಕಿನ ತಿಗಳಚೌಡದೇನಹಳ್ಳಿಯಲ್ಲಿ ಶ್ರೀದೇವಿ ಭೂದೇವಿ ಸಮೇತ ಶ್ರೀ ತಿರುಮಲಸ್ವಾಮಿ ಬ್ರಹ್ಮರಥೋತ್ಸವ, ಗ್ರಾಮ ದೇವತೆ ಶ್ರೀ ಮಾರಮ್ಮ ಜಾತ್ರ ಮಹೋತ್ಸವ ಸಡಗರ ಸಂಭ್ರಮದಿಂದ ಭಾನುವಾರ ನಡೆಯಿತು.

ಜಾತ್ರೆಯ ಪ್ರಯುಕ್ತ ಯಮರೆ ಗ್ರಾಮ ಪಂಚಾಯಿತಿ ಸದಸ್ಯೆ ರಾಜೇಶ್ವರಿ,ಚಾಲನೆ ಕೊಟ್ಟು ಮಾತನಾಡಿ 11ನೇ ವರ್ಷದ ಗ್ರಾಮ ದೇವತೆ ಶ್ರೀ ಮಾರಮ್ಮ ದೇವಿಯ ಜಾತ್ರ ಮಹೋತ್ಸವ ಹಾಗೂ ಶ್ರೀದೇವಿ ಭೂದೇವಿ ತಿರುಮಲಸ್ವಾಮಿ ಬ್ರಹ್ಮರಥೋತ್ಸವ ಜೊತೆಯಲ್ಲಿ ಹಳ್ಳಿಕಾರ್ ಜೋಡಿತ್ತುಗಳ ಮುಖಾಂತರ ರಥವನ್ನು ಎಳೆದು ಹೂವ ಕಾಯಿ ದೀಪ ಕೊಟ್ಟು ವಿವಿಧ ಧಾರ್ಮಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿತ್ತು, ಸುತ್ತಮುತ್ತಲ ಗ್ರಾಮಗಳ ಗ್ರಾಮಸ್ಥರು ರಥೋತ್ಸವಕ್ಕೆ ಬಾಳೆಹಣ್ಣು 80 ಅಡಿಗಳ ಮೇಲೆ ಇರುವ ಕಳಶಕ್ಕೆ ಭಕ್ತಿಯಿಂದ ಎಸೆದು ನಮ್ಮ ಕೋರಿಕೆಗಳನ್ನು ಈಡೇರಿಸು ಎಂದು ಪ್ರಾರ್ಥಿಸುತ್ತಾ ಮೆರುಗು ನೀಡಿದರು ಎಂದು ತಿಳಿಸಿದರು.

ಬಿಜೆಪಿ ಮುಖಂಡರು ಸಮಾಜಸೇವಕರು ಟಿವಿ,ಬಾಬು ಮಾತನಾಡಿ, ಜಾತ್ರಾ ಮಹೋತ್ಸವ ಹಿಂದಿನ ಹಿರಿಯರ ಹಾಕಿಕೊಟ್ಟ ಮಾರ್ಗದಲ್ಲಿ ಭಕ್ತಿ,ಸಂಸ್ಕಾರ, ಸಂಸ್ಕೃತಿ,ಸಾಂಪ್ರದಾಯ, ಎಲ್ಲದಕ್ಕೂ ಮಿಗಲಾಗಿ ಭಗವಂತನಲ್ಲಿ ನಂಬಿಕೆಯಿಂದ ಪೂಜಿಸಿ ಆಚಾರಿಸಿದರೆ ನಮ್ಮ ಬದುಕಿನ ನರನಾಡಿಗಳಲ್ಲಿ ಆರೋಗ್ಯ,ರಕ್ಷಣೆ, ಸ್ವಾಲಂಬಿಕ ಜೀವನ,ಯಶಸ್ಸು, ಗುರಿ ಮುಟ್ಟುವ ತನಕ ಶ್ರೇಯ ಅಭಿಲಾಷೆ,ಧೈರ್ಯವಂತನಾಗಿ, ಯಶಸ್ಸು ಗುರಿ ಮುಟ್ಟುವ ತನಕ ಸೋಲೇ ಇಲ್ಲದ ಜೀವನ ಸಾಗಿಸಬಹುದೆಂದು ಜಾತ್ರಾ ಮಹೋತ್ಸವ ಸಂದರ್ಭದಲ್ಲಿ ತಿಳಿಸಿದರು.

ಜಾತ್ರಾ ಮಹೋತ್ಸವಕ್ಕೆ ಕಲಾತಂಡಗಳು,ವೀರಗಾಸೆ, ಗಾರುಡಿ ಗೊಂಬೆ, ನಂದಿಧ್ವಜ, ಕೇರಳ ಚಂಡಿವಾದ್ಯ, ತಮಟೆ ವಾದ್ಯ,ಹಳ್ಳಿಕಾರ್ ಜೋಡೆತ್ತುಗಳು,ಪಾರ್ವತಿ, ಪರಮೇಶ್ವರ, ಕಾಳಿಕಾದೇವಿ,ದೇವರ ವೇಷದಾರಿಗಳು, ಸೇರಿದಂತೆ ವಿವಿಧ ಜಾನಪದ ಕಲಾತಂಡಗಳು ರಥೋತ್ಸವವಕ್ಕೆ ಮೆರುಗು ನೀಡಿದವು,ಯುವಕರು ತಮಟೆಯ ಸದ್ದಿಗೆ ಹೆಜ್ಜೆ ಹಾಕಿ ಮನರಂಜನೆ ನೀಡಿದರು ತಿಗಳ ಚೌಡದೇನಹಳ್ಳಿ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಹೆಜ್ಜೆ ಹಾಕುತ್ತಾ ಸಂಭ್ರಮಿಸಿದರು, ರಥವು ದೇವಾಲಯದಿಂದ ಹೊರಟು ದೊಮ್ಮಸಂದ್ರ ಸರ್ಕಲ್ ವೃತ್ತದವರೆಗೂ ಸಾಗಿತು, ಸುಮಾರು 2 ಕಿಲೋಮೀಟರ್ ವರೆಗೆ ಮಹಿಳೆಯರು ಮಕ್ಕಳು ಸೇರಿದಂತೆ ನೂರಾರು ಭಕ್ತರು ತೇರನ್ನು ಎಳೆದರು,ದೇವಾಲಯದ ಬಳಿ ಬೆಳಗಿನಿಂದಲೂ ಅನ್ನದಾಸೋಹ ನಡೆಯಿತು, ಸಂಜೆ ಗ್ರಾಮದೇವತೆಗಳ ಪಲ್ಲಕ್ಕಿ ಉತ್ಸವ ಶ್ರೀ ಧರ್ಮರಾಯ ದ್ರೌಪದಮ್ಮ ಕರಗ ಮಹೋತ್ಸವ ನಡೆಯಲಿದೆ.

ಗ್ರಾಮ ಪಂಚಾಯಿತಿ ಸದಸ್ಯೆ ರಾಜೇಶ್ವರಿ, ಬಿಜೆಪಿ ಮುಖಂಡರು ಸಮಾಜಸೇವಕರು ಟಿ,ವಿ,ಬಾಬು, ಸುಶೀಲಮ್ಮ, ಭಾಸ್ಕರ್‍‌ ರೆಡ್ಡಿ, ಶ್ರೀನಿವಾಸರೆಡ್ಡಿ, ಈಶ್ವರ್‍‌ ರೆಡ್ಡಿ, ಗಿರೀಶ್‌, ಚಂದ್ರಾರೆಡ್ಡಿ, ನಾಗರಾಜರೆಡ್ಡಿ, ಮತ್ತೊಬ್ಬ ಶ್ರೀನಿವಾಸ ರೆಡ್ಡಿ, ಗ್ರಾಮಸ್ಥರು ಭಕ್ತಾದಿಗಳು ಭಾಗವಹಿಸಿದ್ದರು.