“မျှော်လင့်ချက်မဲ့တဲ့ဘဝတွေ ဖြစ်ကုန်ပါပြီ” ဗုံးကြဲခံရလို့သေဆုံးသွားတဲ့ စစ်သုံ့ပန်းရဲ့ အမျိုးသမီး

Описание: မဇ္ဈိမ ။ ။ ​ရခိုင်ပြည်နယ်၊ အမ်းမြို့နယ်၊ ဒါးလက်ချောင်းဒေသရှိ အာရက္ခတပ်တော် (AA) ထိန်းသိမ်းထားတဲ့ စစ်သုံ့ပန်းအကျဉ်းစခန်းတခုကို အာဏာသိမ်း စစ်ကော်မရှင်တပ်က လေကြောင်းကနေ ပြင်းထန်စွာ ဗုံးကြဲတိုက်ခိုက်ခဲ့တာကြောင့် အရာရှိတွေ အပါအဝင် စစ်သုံ့ပန်း ၁၁၆ ဦး သေဆုံးပြီး ၃၀ ကျော် ဒဏ်ရာရသွားတယ်လို့ AA က မတ်လ ၁၁ ရက်နေ့က ထုတ်ပြန်ပါတယ်။

​AA ရဲ့ ထုတ်ပြန်ချက်နဲ့ သုံ့ပန်းတွေရဲ့ ပြောပြချက်အရ စစ်ကော်မရှင်တပ်ဟာ လေကြောင်းတိုက်ခိုက်မှုမပြုလုပ်မီ အဲဒီ အကျဉ်းထောင်ဧရိယာကို ကြိုတင်ကင်းထောက်မှုတွေ ပြုလုပ်ခဲ့တယ်လို့ သိရပါတယ်။

အဲဒီနောက် မတ်လ ၈ ရက်နေ့၊ မနက် ၁၁ နာရီကျော်ကနေ နေ့လယ် ၂ ခွဲဝန်းကျင်အချိန်ထိ တိုက်လေယာဉ် လေးစီး နဲ့ Y-12 လေယာဉ် လေးစီး အသုံးပြုပြီး အကျဉ်းထောင်ကို ဗုံးသီးအလုံးရေ အမြောက်အမြားကို ရည်ရွယ်ချက်ရှိရှိ ကြဲချတိုက်ခိုက်ခဲ့တယ်လို့ AA ဘက်က ပြောဆိုထားပါတယ်။
​
​ဗုံးကြဲခံရတဲ့ အကျဉ်းထောင်ဧရိယာအတွင်း အမျိုးသားသီးသန့်ထားတဲ့ အဆောင်တွေအပါအဝင် ထောင် ခြောက်ခုရှိပြီး အကျဉ်းသား ၄၀၀ ကျော်ကို ထိန်းသိမ်းထားတယ်လို့ သိရပါတယ်။
​
​လေကြောင်းတိုက်ခိုက်မှုကြောင့် ဖြစ်ပွားခဲ့တဲ့ မီးလောင်မှုမှာ လေတိုက်နှုန်းကြောင့် အချို့အဆောင်တွေ မီးဘေးကနေ လွတ်ကင်းခဲ့ပေမယ့် သေဆုံးသူအရေအတွက် ၁၀၀ ကျော် ရှိခဲ့ကာ ဒဏ်ရာရရှိသူတွေကိုတော့ AA ဘက်က ဆေးကုသပေးနေတယ်လို့ သိရပါတယ်။

အဲဒီ ဒလက်ချောင်းဒေသရှိ စစ်သုံ့ပန်းအကျဉ်းစခန်းကို စစ်ကော်မရှင်တပ်က ဗုံးကြဲခဲ့တဲ့ ဖြစ်စဉ်မှာ သေဆုံးခဲ့ရတဲ့ သုံ့ပန်းတဦးရဲ့ ဇနီး က အခုလို ပြောထားပါတယ်။

စာတည်း ။ ။ နောင်နောင်

ရိုက်ကူး - ပေါ်ထွန်း
တည်းဖြတ် - မဇ္ဈိမ

#စစ်သုံ့ပန်း
#အမ်းမြို့နယ်
#ဒါးလက်ချောင်းအကျဉ်းစခန်း
#AA
#ရခိုင်
#လေကြောင်းတိုက်
#Mizzima
-----------------------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ Mizzima YouTube Channel တွင် မန်ဘာဝင်ခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။
https://bit.ly/2VhJ12U or https://tinyurl.com/donatemzm

Subscribe Mizzima TV :
   / @mizzimanewstv  

One link to follow all Mizzima platforms:
https://mizzima.carrd.co