Լարված իրավիճակը Կոտայքի մարզի Արամուսի դպրոցում պահպանվում է. դասերը կաթվածահար են եղել

Описание: Այսօր՝ ապրիլի 10-ին, լարված ու պայթյունավտանգ իրավիճակը Կոտայքի մարզի Արամուս գյուղում շարունակվում է։ Վլադիկ Առաքելյանի անվան միջնակարգ դպրոցի բակում են հավաքվել դպրոցի ուսուցիչները, սովորողնեն ու երեխաների ծնողները, ովքեր պահանջում են, որպեսզի Կոտայքի մարզպետարանի պատասխանատուները, վերջապես, լուծեն 21 օր դպրոցում ստեղծված պայթյունավտանգ իրավիճակը։ Ֆոտոլրագրող Գագիկ Շամշյանի հետ զրույցում դպրոցի մոտ հավաքվածներն ասում էին. «Մենք մինչև վերջ պայքարելու ենք, որպեսզի տնօրեն նշանակվի մեր կողմից սիրված ու ընդունելի դպրոցի փոխտնօրեն Անդրեյ Փիլիպոսյանը, քանի որ նրա աշխատանքային գործունեությանը բոլորս ծանոթ ենք։ 14 տարի նա մեր աչքի առաջ է իր աշխատանքային գործունեությունը շարունակել դպրոցում ու հիմա չգիտես ում քմահաճույքով՝ դպրոցի տնօրեն է նշանակվել ինչ-որ դասվար, ով դպրոց գալու առաջին օրվանից ավելի շատ զբաղված է մարդկանց ահաբեկելով, քան երեխաներին ուսում տալով։ Բանը հասել է նրան, որ նա բոլորիս ահաբեկում է՝ ասելով, թե ԿԳԲ-ն սաղիդ հեռախոսները լսում է, ով ընդվզեց, խնդիրներ է ունենալու ուժային կառույցների հետ։ Մինչև հիմա չի հասկացել, որ անցել են այդ ժամանակները։ Մեր վախը շուտվանից բռնել են։ Եթե 1-2 օրվա ընթացքում խնդիրը չլուծվեց, ապա ողջ գյուղով՝ ահել-ջահել, մեր ու մանուկ, ոտքով գնալու ենք Երևան ու կառավարության շենքի դիմաց անժամկետ նստացույց ենք անելու»։

Մանրամասները` https://shamshyan.com/hy/article/2019...