ក្នុងលិខិតផ្ញើទៅក្រុមប្រឹក្សាសន្តិសុខUN ថៃចោទកម្ពុជាថាបានបើកការបាញ់ប្រហារមុនលើកងទ័ពថៃ

Описание: លោកCherdchai Chaivaidឯកអគ្គរាជទូតនិងជាតំណាងអចិន្ត្រៃយ៍របស់ប្រទេសថៃ ប្រចាំអង្គការសហប្រជាជាតិ បានដាក់លិខិតផ្លូវការទៅកាន់ក្រុមប្រឹក្សាសន្តិសុខអង្គការសហប្រជាជាតិ ដោយបានចោទកម្ពុជាថាបានធ្វើសកម្មភាពញុះញង់និងបង្កអរិភាពនៅព្រំដែន។ នៅក្នុងនោះ ថៃបានចោទកម្ពុជាថាបានដាក់មីនថ្មី ដែលធ្វើឱ្យទាហានល្បាតថៃដើរជាន់បណ្តាលឱ្យផ្ទុះរងរបួស កាលពីថ្ងៃទី១០ខែវិច្ឆិកាឆ្នាំ២០២៥។ ជាងនេះទៅទៀត ក្នុងលិខិតថៃបានចោទទាហានកម្ពុជា ថាបានបើកការបាញ់ប្រហារដោយចេតនា លើកងទ័ពថៃដែលឈរជើងនៅតំបន់ភូមិណងយ៉ាកែវ(ថៃ) ដែលនៅទល់មុខតំបន់ភូមិព្រៃចាន់ប្រទេសកម្ពុជា កាលពីថ្ងៃទី១២ខែវិច្ឆិកា។