21 ნოემბერს უძრავი ქონების კონფერენცია GREMO გაიმართება;

Описание: გადაცემა “უძრავი ქონების პროსპექტის” ფარგლებში სამშენებლო და დეველოპერული სექტორის წარმომადგენლებისთვის წლის მთავარი შემაჯამებელი ღონისძიება GREMO გაიმართება. ღონისძიების ორგანიზატორები ტრადიციულად BMG და უძრავი ქონების გაყიდვების კომპანია "პროსპექტი" არიან.
წლევანდელი ღონისძიების თემა იქნება უსაფრთხოება, რომელიც არაერთ კომპონენტს აერთიანებს, დაწყებული იურიდიული და ფინანსური საკითხებიდან, გაგრძელებული ფიზიკურ და კონსტრუქციულ უსაფრთხოებამდე და დასრულებული მდგრადი გარემოსა და უბნის კონცეფციამდე.
მიღმა იმისა, რომ ყოველ კვირას მოგიყვეთ სექტორის სიახლეები, ჩვენი როგორც სექტორული გადაცემის და მედიის როლია, რომ ჩვენი მხრივ ხელი შევუწყოთ ამ გარემოს შექმნას და მათ შორის ვისაუბროთ იმ რისკებზე და გამოწვევებზე, რაც დღეისათვის ქვეყანაში არსებობს.

ღონისძიებაც სრულად ცხადია "უსაფრთხო უძრავი ქონების" კონცეფციაზე იქნება აგებული. ტრადიციულად გვეყოლებიან ძალიან საინტერესო მონაწილეები რომლებიც დამსწრე აუდიტორიას კვლევებსა და პრეზენტაციებს სწორედ ამ თემატიკაზე წარუდგენენ. მათ შორის იქნება ჩვენი უცვლელი პარტნიორი „თიბისი კაპიტალი,“ რომელიც წლიურ შედეგებს წარადგენს.
ოფიციალური ნაწილის დასრულების შემდეგ კი გადაცემა "უძრავი ქონების პროსპექტი "ქვეყნის მშენებლობაში დადებული აგურისთვის" - სექტორის რამდენიმე გამორჩეულ წარმომადგენელს დააჯილდოებს.
გრემოს ისევე როგორც გადაცემის გენერალური სპონსორია "ალიანს ჯგუფი" და მადლობა მათ ყველა მსგავსი ინიციატივის დროს გამოჩენილი სოციალური პასუხისმგებლობისთვის.
ასევე ღონისძიების მხარდამჭერები არიან "იელთი ჯგუფი," "მ2, სიმეტრია, საინჟინრო კომპანია "ბაუმერი". პარტნიორების სრული სიისა და ლოკაციის შესახებ დეტალურ ინფორმაციას ჩვენი მკითხველი და მაყურებელი ბმჯის მედია პლატფორმებიდან უახლოეს პერიოდში შეიტყობს.