હીંચકો | સ્વર અને સ્વરાંકન - નમ્રતાબેન શોધન | ગઝલ

Описание: હીંચકો...

સુખ અને દુઃખનો સહારો હીંચકો લાગે મને,
ભાઈબંધીનો ઈજારો હીંચકો લાગે મને.

હાશકારો આપવાની નેમ લીધી હોય એમ,
શાંત દરિયાનો કિનારો હીંચકો લાગે મને.

જિંદગી ઝૂલી રહી છે મોજથી એ જોઇને,
આભનો સુંદર સિતારો હીંચકો લાગે મને.

બે ક્ષણો વચ્ચે મને એવી રીતે ઝુલાવતો,
યાદગીરીનો પટારો હીંચકો લાગે મને.

મા જશોદાએ ઝુલાવ્યા શ્યામને જે લાડથી,
સ્વર્ગથી સુંદર નઝારો હીંચકો લાગે મને.

@ મેહુલ ઓઝા, જામનગર.
#gazal #geet #ગુજરાતીગીત #ગુજરાતીસાહિત્ય #emotional #feeling #gujarati #life #હીંચકો
#ગુજરાતીગઝલ #ગઝલ #કવિતા #કાવ્ય #મોજ #gujarati