Mekteblileri dashiyan avtobus Shamaxida qezaya dushdu, yaralilar var | Kanal S Xeber

Описание: Abone OL: https://goo.gl/W99fFm

Copyright © Kanal S_official

Sayt: https://kanal-s.az
Facebook: https://goo.gl/XVhVzG
Qəbələdən Bakı istiqamətində hərəkətdə olan avtobus yol qəzasına düşüb. Hadisə gecə saatlarında Bakı-Şamaxı-Yevlax avtomobil yolunun Şamaxıdan keçən hissəsində qeydə alınıb.

İlkin ehtimallara görə sürücü 35 yaşlı Quliyev Pərviz Şahsəddin oğlunun idarə etdiyi "Mercedes" markalı sərnişin avtobusunda idarəetməni itirməsi səbəbindən yolun kənarındakı dəmir məhəccərə çırpılıb, nəticədə avtobusun şüşələri qırılıb, bir neçə sərnişin yolun kənarına düşüb.

Hadisə nəticəsində avtobusda sərnişin qismində olan Bakı şəhəri 279 nömrəli məktəbin şagirdləri, onların sinif rəhbəri və valideynləri arasında xəsarət alanlar olub..

Yol qəzası zamanı avtobusta olan Yeni Günəşli, Əmircan və Suraxanı sakinləri-39 yaşlı Qurbanova Günel Ağamalı qızı, 6 yaşlı Qurbanova Əsra Samir qızı, 10 yaşlı Qurbanova Nurgül Samir qızı, 36 yaşlı Bəşirova Aysel Ağamalı qızı, 29 yaşlı Abışova Xəyalə Eyyub qızı, 39 yaşlı Əhmədova Aynur Mirzə qızı, 10 yaşlı Əhmədova İlayda Ratvin qızı, 14 yaşlı Əmirxanlı Niman Mahmud oğlu Şamaxı rayon mərkəzi xəstəxanasına ,15 yaşlı Aleksandra Yexemenko Sergeyevna və 12 yaşlı Qasımov Elnur Elçin oğlu Qobustan rayon mərkəzi xəstəxanasına aparılıblar.

Faktla bağlı araşdırma aparılır.
#kanals #xəbərlər #yolqəzası