Buke e kripe e zemer - Shkoder! (31 korrik 2018)

Описание: Shkodra qyteti që të ofron traditë, bukuri të natyrës dhe turizëm.
Qyteti i Shkodrës ishte dhe destinacioni i radhës i shefave Alfio dhe Indriti në aventurën e tyre të kësaj vere me “Bukë, kripë dhe zemër”. Si për të respektuar traditën e Shkodrës shefat Alfio dhe Indriti vendosën të vizitojnë qytetin me biçikletë.
Shkodra, kryeqendra e veriut të Shqipërisë ku gjenden të gërshetuara kultura ilire, romake, veneciane e deri në ditët tona. Kalaja mbetet simbol i qytetit 2.500 vjeçar që vizitohet çdo ditë nga turistë vendas dhe të huaj. Ajo mbart me vete peshën e kohës, por edhe atë të legjendës së Rozafës, nuses që u sakrifikua për mbajtjen në këmbë të mureve.
Teksa shëtisnin Shkodrën, Alfio dhe Indriti pyetën qytetarë të ndryshëm për një nga recetat tradicionale shkodrane dhe secili prej tyre tha tavën e krapit.
Recetën e famshme shefave ia tregoi Siljoni, një kuzhinier i talentuar.
Gjatë emisionit Siljoni tregoi përbërësit që duhen për recetën dhe më pas e përgatiti tavën e krapit së bashku me Alfion dhe Indritin.
Pas përgatitjes së recetës tradicionale shefat janë rikthyer në kuzhinën e tyre lëvizëse ku përgatitën recetën e modifikuar për të gjithë qytetarët.