Tv Klan - Berisha: Rama vulosi vetëvrasjen e tij politike

Описание: Për afro 80 minuta opozita protestoi paqësisht përpara Parlamentit, nën masa të larta sigurie.

Sali Berisha i priu demokratëve në sallë, ndërsa jashtë seancës Gazment Bardhi dhe Klevis Balliu, të cilët u përjashtuan me 10 ditë nga punimet e Kuvendit, mbajtën peshën e protestës, e cila u ndoq në kohë reale në ekranin e vendosur përpara sheshit të Parlamentit.

I vetmi moment tensioni u shënua fill pas rrëzimit nga ana e maxhorancës të kërkesës së SPAK-ut për dhënien e autorizimit Kuvendit për arrestimin e Belinda Ballukut.

Në pritje të Sali Berishës që t’i bashkohej protestuesve, këta të fundit u përplasën me efektivët e policisë, në drejtim të të cilëve hodhën tymuese dhe spray, si dhe hoqën barrierat metalike.

Përpara turmës, Sali Berisha akuzoi kryeministrin Rama se me votën kundër në Parlament shënoi vetëvrasjen e tij politike.

“Sot, ai nuk votoi për Lubi Ballukun, votoi për veten e tij, votoi për të mbrojtur vjedhjet që ka bërë, krimet e shëmtuara që ka kryer. Shënoi fundin e tij politik. Firmosi të drejtën e shqiptarëve për ta nxjerrë me të gjitha mjetet nga pushteti i tij i krimit”.

Jo vetëm një votë kundër drejtësisë, por me qëndrimin e saj maxhoranca, sipas Berishës, dëmtoi edhe aspiratën europiane të shqiptarëve.

“Kjo që ndodhi sot është apel për ndërgjegjen e çdo shqiptari që e do këtë vend të bashkohet për të larguar një minutë e më parë qeveritarin më të poshtëruar që kanë pasur në historinë e tyre, Edi Ramës".

Ai tha se shqiptarët janë të legjitimuar në kauzën e tyre, teksa ndau me mbështetësit e opozitës, si gjatë protestës ashtu edhe në selinë blu, datën e tubimit të radhës.

“Me 22 mars, e gjithë Shqipëria në Tiranë. Të vazhdojmë kryengritjen tonë paqësore gjer në fitoren përfundimtare”.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/