Шаруалар құрылысы басталған теміржол желісінің егістік алқаптарын төтесінен өтетініне қарсы

Описание: БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal  
---------------------------------------------
Түркістан облысы Жетісай ауданының шаруалары құрылысы басталған теміржол желісінің егістік алқаптарын төтесінен қиып өтетініне қарсылық білдіріп отыр. Айтуларынша, 156 диқанның азын-аулақ жері тарам-тарам болып, бөлініп қалатын түрі бар. Ал, төрт бірдей елдімекен халқының егістігін бел ортасынан басып өтетін шойын жол көрші Өзбекстанмен байланыстырады. Аудандық шенеуніктердің жауабы қандай? Тұрғындарға өтемақы беріле ме? Өңірдегі әріптесім біліп келді.
Сырабат ауылының тұрғыны Камалбек Ортаевтың отбасымен пай үлесіне алған үш гектар алқабы бар. Шаруа жылына екі рет еккен көкөніс пен бақша дақылдарын, қала берді, жоңышқаны жинап алады. Алайда, жуырда ғана алқабын бел ортасынан шойын жол басып өтеді дегенді естіп, сары уайымға салынып жүр.
КАМАЛБЕК ОРТАЕВ, Сырабат ауылының тұрғыны:
Үш гектар жердің 1,30 - 1,40 сотық алып кетейін деп отыр. Сонда екі бөліп тастайды. Мына жағы бір гектар, мына жағы жарты гектар сондай болып, трактордың да келіп айдауы қиын болады. Оның үстіне пойыз жол өтсе мал бағатын да жеріміз қалмайды.
Жетісай ауданының жеті елдімекеніндегі 95 гектар жерді теміржол қиып өтетінін шаруалар жақында ғана естідік дейді. Қалың қауым шойын жол құрылысына қарсы емес. Тек жайылым мен егістік алқабын айналып өтсе деген талабы бар
ӘБДІМАНАП МӘМІШЕВ, Бірлік ауылының тұрғыны:
Ешкім көп жер алған адам жоқ бұл жерде. Барлық күнкөруіміз осы жерде. Еккен өніміміздің бетіне қарап отырмыз. Оны қиып кеткеннен кейін не істейді мына қара халық. Мемлекеттің мүддесі үшін теміржол да керек шығар. Ал бірақ зияны тимейтіндей сбростың арғы бетіне түссе.
Аудан атқамінерлері мемлекет мұқтаждығы үшін алынған жерге өтемақы немесе басқа аумақтан телім беру мәселесі әлі шешілмегенін жеткізді.
ТҰРЫШБЕК ЕЛШІБАЕВ, Жетісай ауданы әкімінің орынбасары:
Ол мемлекет мұқтаждығына қай кезде болса да халықтан мемлекет мұқтаждығына алады жерді. Ол заңда бар. Оны түсіну керек. Егерде жер керек маған десе, суармалы жерден тура сондай жер ұсынамыз. Ал өтемақы болса, ол алдағы күннің еншісінде. Ол шешілген жоқ.
Ал, "Қазақстан темір жолы" компаниясының өкілдері жобаға өзгеріс енгізу мерзімі өтіп кеткен деп қысқа қайырды.
«ҚАЗАҚСТАН ТЕМІР ЖОЛЫ» ҰК БАСПАСӨЗ ҚЫЗМЕТІ:
"Дарбаза- Мақтаарал» теміржол желісін салу бойынша жобаны іске асыру үшін мемлекеттік сараптаманың оң қорытындысы алынды. Сондықтан бұл жобаға енді өзгеріс енгізуге болмайды. Жерге орналастыру жобасы барлық аудан әкімдіктерімен бекітілді. Аталған мәселелер әкімдіктерде, халықпен кездесулерде талқыланып, түсіндірілді".
Қазақстан мен Өзбекстанды жалғайтын шойын жол Сарыағаштан басталып, Келес, Жетісай, Мақтаарал аудандарын қиып өтеді.
-------------------------------------------
Теңдессіз жобамызға көз салыңыз:    • Сөздің шыны керек: [журналистік зерттеулер]  
Бишімбаев ісі -    • Бишімбаев ісі  
Су тасқыны бойынша барлық ақпарат -    • Су тасқыны // Төтенше жағдай  
Жұмбақ өлімдер -    • Жұмбақ өлім  
Біз барлық әлеуметтік желідеміз, тіркеліңіз:
Информбюро 31    / @informburo31kanal  
Informburo kz    / @informburokz2022  
Facebook -   / informburo31  
Instagram -   / informburo31  
WhatApp - https://whatsapp.com/channel/0029VaDm...
TikTok - https://www.tiktok.com/@informburo31?...
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық