နေ့စဉ်ခွန်အား ၂၀၂၆ ခုနှစ်၊ မတ်လ ၄ ရက်

Описание: အမည်မသိ အမျိုးသမီးများ
https://myanmar-odb.org/2026/03/04/th...

  / myanmar.odb  
  / ourdailybreadmyanmar  

ယနေ့ဖတ်ရန်ကျမ်းချက် - ရှင်လုကာခရစ်ဝင် ၈:၁-၃
https://odb-ministries.org/bible/mm/r...

ထင်ဟပ်ဖော်ပြချက်
အမည်မသိ အမျိုးသမီးများ

ရှင်လုကာသည် အခြားသော ခရစ်ဝင်ကျမ်းရေးဆရာများထက် သခင်ယေရှုနှင့် အမျိုးသမီးတို့၏ အပြန်အလှန် ပြောဆိုပေါင်းသင်းဆက်ဆံရေးတို့ကို ပို၍ အာရုံစိုက်ဖော်ပြထားသည်။ ဥပမာအနေဖြင့် အမည်ဖော်ပြခြင်း ခံရသော အမျိုးသမီးများနှင့် အမည်မသိအမျိုးသမီးများကို ရှင်လုကာခရစ်ဝင် ၈း၁-၃ တွင် တွေ့ရှိရသည်။ အခြား နေရာများတွင်လည်း နာဣနမြို့ရှိ မုဆိုးမတစ်ဦး(၇း၁၁-၁၇)၊ “ဆိုးသော”မိန်းမ(း၃၆-၅၀)၊ မာရိ၊ မာသ(၁၀း၃၈-၄၂)၊ ခါးကုန်းသောမိန်းမ(၁၃း၁၀-၁၇)စသည့် ကိုယ်တော်နှင့်တွေ့ဆုံသည့် အမျိုးသမီးများ၊ ကားတင်သတ်ခြင်း မခံရမီ “နောက်တော်၌လိုက်သော လူများအပေါင်းတို့တွင် ကိုယ်တော်ကြောင့် ငိုကြွေး မြည်တမ်းသော မိန်းမအချို့ ပါဝင်၏” (၂၃း၂၇)။ ရှင်လုကာခရစ်ဝင် ၂ တွင်လည်း သခင်ခရစ်‌တော် မမွေးဖွားမီ မာရိတွေ့ကြုံရသော ဖြစ်ရပ် ကိုလည်း အကျယ်တဝင့် ဖော်ပြထားသည်။ ရှေးခေတ်က အမျိုးသမီးများကို တန်ဖိုးမထားခြင်း (သို့) အဆင့်နှိမ့် သတ်မှတ်ခြင်းတို့ မကြာခဏရှိကြသော်လည်း သခင်ယေရှုသည် အမျိုးသမီးများကို ကြီးစွာကရုပြုခြင်းအားဖြင့် ၎င်းတို့၏ဖြစ်တည်မှုအဆင့်ကို မြှင့်တင်ပေးခဲ့သည်။ ဤအချက်က ကျွန်ုပ်တို့သည် အဆင့်နှိမ့်ခံရခြင်း၊ အထင်မကြီးဘဲ လျစ်လျူရှုခံရခြင်းတို့ ခံစားရသောအခါ ဘုရားသခင်သည် ကျွန်ုပ်တို့အား တန်ဖိုးထားကြောင်း ယုံကြည်စိတ်ချထားနိုင်ကြောင်း ကျွန်ုပ်တို့ကို သတိပေးနေသည်။ ကိုယ်တော်အတွက် ကျွန်ုပ်တို့ ပြုသောအမှုများ အားလုံးကို ကိုယ်တော်သိမြင်ပေသည်။
စာရေးသူ ဘေလ်ခရောက်ဒါ