Farewell song - teachers

Описание: గురువులు మీరు జ్ఞాన జ్యోతులు మీరు.. సాంగ్
రచన : రవిందర్ అల్లూరి

గురువులు మీరు జ్ఞాన జ్యోతులు మీరు
దైవం మీరు దండిగ మనసున్నోళ్ళు
విడిచిపోతార మమ్ముల మరిచి పోతారా ?
ఎక్కడైనా కలిసిన మమ్ము గురుతుపడతార? చల్లని దీవెనలిస్తారా.. :: గురువులు::

1. చరణము ఉచ్ఛరణము చంధస్సుల దాగిన మర్మము
తెలుగులో ఆ వెలుగులు ఆ తేనెలొలికె తియ్యందము
పద్యకవితలై చెప్పారు గద్యములై వర్ణించారు - 2
అమ్మభాషనే కమ్మగ జెప్పి అందరి మనసును దోచిన మీరు
మధురం నింపారు మాకు మమతలు పంచారు
గురువులు మీరు తెలుగుల తేజంమీరు
ఘనులేమీరు అక్షర జ్యోతులు మీరు :: విడిచి పోతారా::

2. హిందీని మకరందిని మా మదిలో పదిలం చేశారు
ఇంపుగ వినసొంపుగ ఆ పదాల అల్లికనిచ్చారు
భాషకు ప్రాణం పోసారు బతుకులు చక్కగ మార్చారు - 2
దేశ భాష మన హింది నేర్చుకొని భారత్ చుట్టెయ్ మన్నారు
పురుడే పోసారు హిందికి పునాదులేసారు
గురువులు మీరు హింది పండిత్ మీరు
జోష్ లు మీరు దివ్యజ్యోతులు మీరు :: విడిచి పోతారా ::

3. భాషను ఇంగ్లీషును ఈజిగ నిర్పించేశారు
పై చదువులో మాలైఫ్ కి ఇంగ్లీషే మూలం అన్నారు.
అందరు చదవాలన్నారు ఆంగ్లము నేర్వాలన్నారు - 2
నిరంతరం మా వెంటే పడుతు ఎప్పటికి రాయించారు
నిఘంటువిచ్చారు నిత్యం మీనింగులన్నారు
సారు మీరు ఇంగ్లీష్ మాష్టరు మీరు
గ్రామర్ మీరు స్కూల్ కి గ్లామర్ మీరు :: విడిచి పోతారా ::

4. అంకెలు ఆసంఖ్యలు మన జీవితానికె లంకెలు
సరళము సంపూర్ణము సంకీర్ణములై సంక్లిష్టము
చిక్కుల లెక్కలు చెప్పారు సులువుగా బోధించేశారు - 2
భయపెట్టించే గణితం చెప్పి భయాన్ని పోగొట్టేవారు
బరోస నిచ్చారు. మాలో బలాన్ని పెంచారు
గురువులు మీరు గణితం బాసులు మీరు
గుణిజం మీరు గణితం జ్యోతులు మీరు :: విడిచి పోతారా ::


5. విశ్వంబున అణువణువుల కలయిక పదార్ధమన్నారు
శుభ్రత పరిశుభ్రత పర్యావరణం నేర్పారు
పచ్చని మొక్కలు నాటారు బడినే పచ్చగా జేసారు - 2
తరగతి గదిలో ప్రయోగాలతో చదువులు నేర్పిన గురువులు మీరు
గుండెల్లుంటారు ఎప్పుడు గుర్తుకు వస్తారు.
గురువులు మీరు సైన్స్ కు జీవం మీరు
ప్రకృతి మీరు ప్రయోగ ఫలితం మీరు :: విడిచి పోతారా ::

6. వనములు భూజలములు భూగర్భాన ఉన్న మహిమలు
పౌరులు పరదేశులు పసిపిల్లల హక్కులు బాధ్యతలు
రాజనీతులే చెప్పారు రాజ్యాంగం బోధించారు. - 2
నైతికచదువుల విలువలు చెప్పి విశ్వాన్నె చూపించిన మీరు
భవితను చూపారు బంగరు బాటలు చేసారు
గురువులు మీరు సోషల్ మాష్టరు మీరు
హిస్ట్రీ మీరు విప్లవ జ్యోతులు మీరు :: విడిచి పోతారా ::

7. భుజబలమును దృఢ మనసును నడిపించే నాయకమిచ్చారు
ఆటలు ఆరోగ్యము వ్యాయమము నేర్పించేశారు
ఆనందాన్నే ఇచ్చారు ఆయుష్యును పెంచెసారు - 2
బడిలోనే మాకిష్టమైనవి ఆటలు ఆడించేసారు
యూనిఫామ్ లో ఉంచారు క్రమశిక్షణలో పెట్టారు
గురువులు మీరు గేమ్స్ మాష్టరు మీరు
ఆటలు మీరు క్రీడా జ్యోతులు మీరు :: విడిచి పోతారా ::

8. మా ఊరికి భవితవ్యము ఈ చదువుల గుడిలోనన్నారు
మా చదువుల బడి వెలుగులు నిత్యం మీరే చూసారు
బాధ్యతలెన్నో మోసారు ఆదర్శంగా నిలిచారు - 2
ఇంటికి ఒంటికి కష్టం వచ్చిన కన్నీరింపక కష్టం చెప్పక
బడిలో ఉన్నారు మాతో కలిసే తిన్నారు
సారు మీరు ప్రధానాచార్యులు మీరు
జ్ఞానం మీరు బడికే ప్రాణం మీరు :: విడిచి పోతారా ::

****************************************************************************************************
****************************************************************************************************