Ep 2: ફુટપાથ પર આવી ગયેલા સની પટેલને તેના ઓનરે શું મદદ કરીને એક મોટી પ્રોબ્લેમમાંથી ઉગારી લીધો?

Описание: અમેરિકા જતાં ઈન્ડિયન્સ ત્રણ પ્રકારના હોય છે, એક જેની પાસે ઈન્ડિયામાં બધું હોય અને અમેરિકામાં પણ કોઈ વસ્તુની કમી ના હોય. બીજા, જેમની પાસે ઈન્ડિયામાં બધું હોય પણ અમેરિકામાં કંઈ ના હોય. અને ત્રીજા, જેમની પાસે ઈન્ડિયામાં કંઈ ના હોય અને અમેરિકામાં પણ તેમના હાથ ખાલી હોય, બસ આ જ કેટેગરીમાં આવતા સનીને તે અમેરિકા આવ્યો ત્યારે એમ હતું કે ફાધરનો ફુલ સપોર્ટ હોવાથી તેને કોઈ તકલીફ નહીં પડે, પણ ત્યાં પહોંચ્યાના બે મહિનામાં સનીને સમજાઈ ગયું હતું કે અમેરિકામાં કોઈ કોઈનું નથી. 26 જૂન 1995, સોમવારનો તે દિવસ હતો, નોકરી પૂરી થયા પછી સની એ જ બેન્ચ પર સૂઈ રહ્યો હતો કે જેના પર તેણે રવિવારની આખી રાત પણ કાઢી હતી. મંગળવારે સવારે સની જ્યારે સ્ટોર પર પહોંચ્યો ત્યારે તેની લઘર-વઘર હાલત જોઈને તેના શેઠ સતીષભાઈને તરત જ આગલા દિવસની વાત યાદ આવી હતી.. સતીષભાઈએ સનીને ત્યારે જ પોતાની પાસે બોલાવ્યો હતો અને તેને કહ્યું હતું કે તારી સાથે આખરે થયું છે શું? તું મને માંડીને બધી વાત કર.. ત્યારે સની દસેક મિનિટ સુધી રડતા-રડતા બોલતો રહ્યો હતો, અને સતીષભાઈ ધ્યાનથી તેની વાત સાંભળી રહ્યા હતા. સની સાથે જે થયું તેવા અનેક કિસ્સા અમેરિકામાં વર્ષોથી સેટલ થયેલા સતીષભાઈએ સાંભળ્યા હતા. સનીની વાત પૂરી થઈ ત્યારે સતીષભાઈએ તેને હિંમત આપતા કહ્યું હતું કે હું બેઠો છું ત્યાં સુધી તારે જરાય ચિંતા કરવાની જરૂર નથી. સનીએ બે દિવસથી કંઈ ખાધું નથી તે જાણીને સતીષભાઈએ તરત જ પોતાના ઘરે ફોન કરીને ટિફિન વહેલું તૈયાર કરી દેવા માટે કહી દીધું હતું, અને સનીને પણ ફટાફટ તૈયાર થઈ જવા માટે જણાવ્યું હતું કારણકે તેમને તાબડતોબ સનીનું એક કામ પૂરૂં કરવાનું હતું, નહીંતર સનીને મોટો પ્રોબ્લેમ થઈ શકે તેમ હતો.

જુઓ અમારી વેબસાઈટ: https://www.iamgujarat.com/
વધુ વિડીયો જોવા માટે ક્લિક કરો: https://gujarati.timesxp.com/
IamGujarat સાથે વોટ્સએપ પર જોડાઓ: https://chat.whatsapp.com/Hjwo7YqSPxS...