XUV 700 Vs Ertiga BS6 2022 Hindi Maruti Suzuki Ertiga अर्टिगा Review CNG Petrol

Описание: 1.1: Toh chaliye shuru karte hain, iss video ke sab-se mahatwapoorn mudde-se jo hain Andruni jagah aur comfort:
Bewakoof hain wo log, jo XUV ka lamba-chauda aakar dekh kar usmein Ertiga se jyada andruni jagah hogi aisi galatfehmi banaye baithe hain. Sacchai toh ye hain, ke saat-yaatri aur unka samaan, Ertiga mein, XUV-se jyada ‘comfortably’ baith sakta hain. Waise toh dono gaadiyon mein filhaal unke prati-spardhiyon ki tarah koi captain-seats ka paryaay uplabdh nahin hain. Captain-seats chahiye toh aap ko Ertiga ki judwa behen leni padegi - yane ke XL6. Mahindra ka aisa daawa hain, ke wah XUV ke liye captain-seats pe kaam kar raha hain, lekin usse kam-se-kam ek saal lagega. Captain seats ka under-thigh-support, side-bolstering - yane modh lete waqt aap ko seat-mein pakad-ke-rakhne-waala-hissa, aur oopar se unmein lagi hui foldable-armrests, yaatriyon ko bench-seat se kai-guna-jyada ‘araamdayak’ seating dilaati hain. Lekin filhaal dono mein captain seats nahin milti toh unki leg-room aur seating comfort ek-jaisa hoga, aisa bilkul matt sochna doston..
Model
Boot-space
Length
Width
Height
Ertiga
153-209 fold 550-803
4395
1735
1690
XUV 700
220 fold 1025
4695
1890
1755 (with Roof Rails)




1.2: XUV-ki sab-se badi bhool hain, ke usmein, middle-row-seat ko aage-peeche ‘slide’ karne ki suvidha bhi maujood nahi hain. Aur slide-adjustment ke kaaran, third-row-mein - yane ke sab-se pichli seat ki leg-room mein zameen-asmaan ka fark padta hain. Nateeja aap ke saamne hain. XUV-ki third-row-seats-mein ‘leg-room’, knee-room aur head-room itni kharaab hain, ke paanch-foot ka kad waale yaatri bhi, yahan araam-se baith nahin sakte. Iske viaprit Ertiga mein che-foot tak oonche, teen yaatri, ek-ke-peeche-ek, kaafi ache-se baith sakte hain! XUV-ki sab-se badi galati ye hain, ke middle-seat ke liye jaroorat-se-jyada knee-room rakhi gayi hain, jiske kaaran pichli seat ki knee-room lagbhag khatam hi ho gayi hain. Kam-se-kam sliding hoti, toh thodi-bahut adjustment ki gunjaish mil jaati. Lekin uske baad bhi pichli-seat Ertiga jitni achi nahin ho sakti, kyonki uska seat-base, XUV-ki rear-seat se kaafi oopar sthit hain, jisse yaatriyon ko theek-thaak under-thigh-support bhi mil jaata hain. Rahi-baat bootspace-ki, toh uske baare mein hum iske aage baat karenge…
Model
Boot-space
Length
Width
Height
Ertiga
153-209 fold 550-803
4395
1735
1690
XUV 700
220 fold 1025
4695
1890
1755 (with Roof Rails)




1.3: XUV itni badi hone ke bawajood uske andar Ertiga-se-bhi kam jagah kaise? Iss sawaal ko le kar hum bhi baukhala gaye the. Gehra vishleshan karne ke baad pata chala, ke XUV aur Ertiga ka wheelbase - yane ke agle-aur-pichle-payyon-ke-beech-ki-doori, lagbhag ek-samaan hain - aur Innova Crysta ka bhi utna hi hain. Mana ke Ertiga ki lambai XUV-se gyarah-inch kam hain. Lekin sirf lambai naapna kaafi nahin hota. Ye dekhna jaroori hain, ke wakai-mein yaatri kaksh lamba hain, ya bade-engine ke kaaran sirf engine kaksh jyada-lambai kha hain? Kyonki XUV ka diesel engine, Ertiga se saat-sau cc bada hain. Jiske liye Mahindra ko XUV ka engine-kaksh Ertiga se ek-ded-foot lamba karna pada hain, jabki yaatri kaksh ki lambai Ertiga se kam hain. Iss wajah se, Ertiga mein, sab-se-pichli-seats ke peeche bhi lagbhag Celerio jitni bootspace - yane ke do-sau-litre se jyada bootspace milti hain. Ab XUV mein bhi do-sau-litre se thodi-si-jyada bootspace maujood hain. Lekin sirf litres ki ginati karne se gaadi ka boot upyukt hain ya nahin, ye nahin pata chalta. Uska aakaar kaise hain ye dekhna bhi jaroori hain. Kyonki XUV ka boot chauda hain aur ooncha hain, lekin bahut patla hain - matlab rear-seat aur dikki-ke-darwaje mein, sirf che-inch ki doori hain. Jabki Ertiga mein ye ek-foot-se-jyada hain. Toh Ertiga ki boot-capacity, XUV se gyarah litre kam hone ke bawajood, usmein aap ki trolley-bags, Camera Cases, Ice-box jaisa samaan asaani se rakha jaa sakta hain, jo XUV mein mumkin nahin hain.