Boris Tadiç dorëhiqet 10 muaj para afatit, shpall rikandidimin për presidencën - (4 Prill 2012)

Описание: Lajme arkiva 2012

Presidenti serb Boris Tadiç ka dhënë dorëheqjen nga posti i tij, vetëm 10 muaj para përfundimit të mandatit. Dorëheqja e tij e paralajmëruar një ditë më parë i hap rrugë zhvillimit të zgjedhjeve presidenciale njëkohësisht me ato parlamentare dhe lokale të 6 Majit. Në një deklaratë për mediat serbe, Tadiç është shprehur ndër të tjera se do të rikandidojë për një tjetër mandat presidencial.

Boris Tadiç: ”Do të kandidoj në këto zgjedhje presidenciale. Ato janë të vështira, pasi kërkojnë një punë të madhe. Këto zgjedhje do të jenë një mundësi për popullin serb për të vendosur se ç’rrugë do të zgjedhë.”

Tadiç i bëri thirrje serbëve të zgjedhin alternativën që ai ofron, atë të integrimit europian, ndërsa theksoi se nuk do të njohë kurrë Kosovën.

Boris Tadiç: “Unë propozoj të vazhdojmë rrugën drejt Bashkimit Europian, për të mbrojtur interesin legjitim të Serbisë në Kosovë. Serbia nuk do ta njohë kurrë pavarësinë e Kosovës dhe do të mbajë të njëjtin qëndrim në negociata.”

Të enjten, ai do t’i njoftojë zyrtarisht dorëheqjen e kryetares së kuvendit të Serbisë Slavica Gjukiç Dejanoviç, e cila do të kryejë detyrën e presidentes deri në shpalljen e fituesit të zgjedhjeve. Krahas Tadiç, në zgjedhje do të garojnë edhe kreu i përparimtarëve serbë Tomislav Nikoliç, si dhe socialisti Ivica Daçiç.

Përfaqësuesi i Komisionit Europian Stefano Sanino i bëri thirrje Serbisë, të vazhdojë me reformat për integrimin europian dhe të normalizojë marrëdhëniet me Kosovën./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/