Yeberhan Moged| የብርሃን ሞገድ| Ethiopian music| Tewodros Tsegaye

Описание: #የብርሃንሞገድ
“ያጠገቤን እንባ ራርቶ ካላበሰ፣
ለዝያ ቀዬ ጥሪ ልቤ ካልመለሰ፣
አጥንት እየለየ መርጦ ካለቀሰ፣
ሰው መሆን አበቃ ሳይካብ ፈረሰ፡፡”
እንግዲህማ፣ የግል አልበም ብቻ ሳይሆን የግል ዘፋኝም ኖረን ማለት ነው?
በቀደመው እለት፣ #ሌሊቴንተርጉማት በሚል ርዕስ ዘፈን አጋርቼ፣ የዚህችን ድምጻዊት ማንነት የለየ/ችን የመጀመርያ ሰው እንደምሸልም ገልጬ ነበር፡፡ መልሱን ያገኘው የመጀመርያው ሰው Nebyou Demssie ነው፡፡ ሌሎችም ወዳጆች በትክክል አግኝታችሁታል፡፡ ሙዚቃው የAI toolን በመጠቀም የተሰራ ነው፡፡ ነብዩ በውስጥ አነጋግረኝና ሽልማትህን ውሰድ፡፡
ደግሞ ሌላ ዘፈን!
#የብርሃንሞገድ ነኝ የህሊና ፀሃይ፣
መለኮት የሰራኝ በሌሎች እንድታይ፣
እሞቃለሁ ብዙ አበራለሁ ገና፣
የነበርኩ ያለሁት ለሌሎች ነውና፡፡
በልዩ ልዩ መንገዶች “የሚተረኩ ሀሳቦች አሉኝ” ለሚል ሁሉ ጊዜው ጥሩ፣ ቴክኖሎጂውም መልካም ረዳት ነውና፣ በዘፈን ቢገለጽ እጅግ እመኘው የነበረውን ሀሳብ እንዲይዝ አድርጌ ያዘጋጀሁትን ሌላ ሙዚቃ ደግሞ ላጋራችሁ፡፡
የሰው ሰራሽ አስተውሎት ጥናት የጀመርኩት AIን ለተቀላጠፈ የሚድያ ስራ እንዴት ማዋል ይቻላል? ለሚለው ጥያቄዬ መልስ ለማግኘት ነው፡፡ ኋላ ግን የሀሰሳዬ አድማስ ሰፍቶ የAI ሙዚቃ ሰፈር እራሴን አገኘሁት፡፡
የቀደመውን #ሌሊቴንተርጉማት የተሰኘውንም ሆነ ይህንን #የብርሃንሞገድ ሙዚቃ ያዘጋጀሁበትን ሂደት ላጫውታችሁ፡፡ ቅንብር ሳይሆን ዝግጅት የሚለውን ቃል የመረጥኩት በምክንያት መሆኑን ልብ በሉልኝ፡፡
መቼም እንዲህ እኔ እንደገጠመኝ አይነት በተምኔታችሁ ሙዚቃ እና በመጫወት ክህሎታችሁ መካከል ያለው ርቀት በእጅጉ ሲሰፋ ችግር ነው፡፡ እኔ ለእራሴው ደስታ እና ከጊዜአዊ ድባቴ ለመውጣት ያህል አልፎ አልፎ በመጠኑ ከሙዚቃ መሳርያዎች ጋር መጨዋወት ብወድም፣ በሀሳቤ ያለው ሙዚቃ ከእጆቼ መጠነኛ ችሎታ አቅም በላይ ነው፡፡ የሰው ሰራሽ አስተውሎት ያደረገልኝ ታድያ፣ የልቤን ሙዚቃዊ ሀሳቦች ወደሚደመጡ ስራዎች እንድተረጉም የሰለጠኑ ሙዚቀኛ እጆች ያዋሰኝ መሆኑ ነው፡፡ እኔ ሳዘጋጅ፣ እርሱ በዝርዝር መመርያዎቼ መሰረት የመሻቴን ሙዚቃ አቀናበረ እንደማለት፡፡
ወደዝግጅት ሂደቱ ልመለስ፡፡ በነገራችን ላይ፣ ቅደም ተከተሉ የግድ አይደለም፡፡
1፣ መጀመርያ ስንኞቹን ጽፌ እና በቁጥርም በአዝማች ከፋፍዬ ከበርካታ ይህን መሰል ተግባር መስራት ከሚችሉ የAI መከወኛዎች ለመረጥኩት tool ሰጠሁ፡፡ በዚህ ወቅት፣ የተለያየ ጥንካሬ እና ድክመት ያላቸው ሙዚቃ ቀማሪ የሰው ሰራሽ አስተውሎት (AI) መከወኛዎች tools በርካቶች ናቸው፡፡
ከዝያም፣
2፣ ከግጥሙ ሀሳብ ጋር ይስማማሉ ያልኳቸውን የሙዚቃ ዘውግ እና ባህርይ (Genre and style መረጥኩ፡፡
3፣ ስለዜማው አይነት እና ቅርጽ ማብራርያ አኖርኩ፡፡
4፣ ስልተምቱን (Rhythm ወሰንኩ፡፡
5፣ ቅኝቱን (scale) ለይቼ አመለከትኩ፡፡
6፣ ሜጀሩን ጠቀስኩ፡፡
7፣ እንዴት ያለ ህብረድምጽ (Harmony፣ cord progression፣ Baseline እና የምት ጥንካሬ እንዲኖረው እንደምሻ በዝርዝር አሰፈርኩ፡፡
ቀጥሎም፣
8፣ የዘፋኝ ጾታ፣ የድምጽ ቀለምና አዘፋፈን፣ የጀርባ አጃቢዎች (Back vocalists) ወዘተ የተመለከቱ ምርጫዎቼን ዘረዘርኩ፡፡
9፣ በቅንብሩ ውስጥ እንዲካተቱ ስለምፈልጋቸው የሙዚቃ መሳርያዎች፣ ማጊያጌጫዎች ornaments, እንዲሁም Instrumentation, አይነት እና መጠን ገለጽኩ፡፡
10፣ በሙዚቃው አጀማመር እና በየመካከሉ እንዲገቡ ስለምሻቸው መሸጋገርያዎች Intro and bridges ያሰብኩትን ከተብኩ፣ ሌላም ሌላም፡፡
11፣ ይህንን አድርጌም በቀዳሚዎቹ ስራዎች የጠበቅሁትን ውጤት ስላልሰጠኝ ያለመታከት መመርያዎቼን በማሻሻል፣ በመቀያየር፣ በመጨመር እና በመቀነስ እዚህኛው ሙዚቃ ላይ ለመድረስ ደግሜ ደጋግሜ መሞከር ነበረብኝ፡፡
ይህ የሰው ሰራሽ አስተውሎት ሙዚቃ አቀማመር፣ በዘፈን ተስተጋብተው መንፈስን ሊያክሙ እና ሊያለመልሙ ሲገባቸው በድምጻውያኑ ስንፍና፣ የተሳሳተ የገበያ ስሌት ወይም ህዝብ ነክ ግንዛቤ፣ የመረዳት እና የማብላላት አቅም ማነስ ወይም ዳተኝነት ሳይገለጹየቀሩ ብዙ አበይት ፍሬነገሮች አሉ ብሎ ለሚያምን ትልቅ በረከት ነው እላለሁ፡፡ ምክንያት፣ ስንኞች ሰው ይሰራሉና ነው፡፡
እናማ፣ አለፍ አለፍ እያልን፣ ድምጻዊ ማነጋገር አልያም አቀናባሪ ደጅ መቆም ሳያስፈልገን፣ ስለAI ጊዜ ሰጥተን እያነበብን፣ ሙዚቃ ማዘጋጀታችንን እንቀጥላለና!
AI ይበልጥ ይስላልን አቦ!
“ለመኖሬ ትርጉም ሌላ ሰው የምሻ፣
እኔም ልብ አካሚ የሌሎች ወጌሻ፣
ሰው ሁሉ ዘመዴ እንደሰውነቱ፣
የብርሃን ሞገድ ነኝ የማልመሽ በከንቱ፡፡”
#EthiopianMusic #TewodrosTsegaye #የብርሃንሞገድ #ሰውመሆን #ሰውነት #ሙዚቃ #ቴዎድሮስ