港超聯　冠忠南區開操！盼再做攔路虎

Описание: 港超聯　冠忠南區開操！盼再做攔路虎

冠忠南區周一（7日）舉行公開操練，向傳媒分享來季計劃，會長陳文俊表示班費維持約900萬，並指來季勢將不再舉辦「菁英盃」，期望球隊在聯賽繼續充當攔路虎，為強隊製造麻煩。

上季奪得「賽馬會菁英盃」冠軍，於聯賽排第5位的南區，續由領隊貝可泓、助教比圖、鞠盈智及門將教練范俊業分擔主教練職務。球員方面，基斯及基哥利等人約滿離隊，並簽入5名球員加強實力，包括舒拉普、梁高銘、梅里路、是日「官宣」的巴西前鋒艾文奴，以及正式從傑志加盟的趙聡悟，又從青年軍提拔門將許柏瑋。

是日操練除了宋柱浩、恩奴、佐佐木周，以及隨「大港腳」出戰「2025年東亞足球錦標賽」決賽周的艾華和史提芬彭利拿，其餘球員悉數現身。會長陳文俊稱班費維持約900萬，又指來季勢將不再設立「菁英盃」下，盼球隊繼續為列強製造麻煩：「『菁英盃』應該唔會再搞，所以嚟緊呢季冇要求球隊Achieve到啲咩，聯賽維持到上半版，其他盃賽踢好啲就得，希望再做攔路虎，對強隊都唔會輸硬，呢個都係我哋一直以嚟喺港超嘅定位。」

談到來季陣容，「陳生」承認基斯離隊可能會帶來較大影響，相信梅里路代替其作用：「大部份上季季尾踢得好嘅球員都留低，雖然基斯走咗影響可能會大啲，但梅里路應該好啱用，而後防同前線都夠人用，唔會太擔心。」

領隊貝可泓（Calvin）則提到球隊踢法不會有太大變化，盼羅致舒拉普等人後，攻力有所提升：「我哋上季前線唔夠衝刺力，舒拉普同艾文奴加盟之後可以為球隊帶嚟新元素，令進攻更加多變化。」展望來季，Calvin盼隊中年輕球員取得明顯進步：「『阿潼』（陳潤潼）同容昊等人上季得到唔少機會，Sohgo（趙聡悟）季尾更加成為必然正選，球隊會繼續向呢個方針發展，因為我哋相信，令班仔踢起比將Budget放晒落外援度，對球隊發展更加有作用。」

值得一提，足總是日在社交平台發布「東亞錦」陣容名單，未有隨隊出發的趙聡悟榜上有名，他是日亦有現身南區操練，表示已做足準備，如果突然收到港隊徵召，會好好把握機會。

【冠忠南區2025至26球季球員名單】
門將：1.伍瑋謙、13.陳嘉昊、31.顏翱天、32.許柏瑋

後衞：2.陳潤潼、4.川瀨浩太、5.恩奴、14.宋柱浩、16.翟廷峯、26.陳凱柏

中場：8.李嘉耀、10.亞哥斯達、11.佐佐木周、12.黎格爾、17.梁高銘、19.趙聡悟、23.容昊、27.莊晉、80.梅里路

前鋒：7.史提芬彭利拿、9.舒拉普、18.艾華、20.游卓峰、79.艾文奴

#本地足球 #冠忠南區 #我撐本地波 #港超聯 #中銀人壽香港超級聯賽 #睇體
------------------
支持香港運動員，快啲follow埋《睇體》個 IG：  / ontv_sports  

再再訂閱《睇體》個YouTube頻道：https://bit.ly/2lD6cD7