साताऱ्यात मनसे-शिवसेना (उद्धव बाळासाहेब ठाकरे गट) युती — नगरपालिकेची निवडणूक एकत्र लढणार!

Описание: साताऱ्यातील आगामी नगरपालिकेच्या निवडणुकीसाठी मनसे आणि शिवसेना उद्धव बाळासाहेब ठाकरे गट यांनी आज एकत्र येण्याचा मोठा निर्णय घेतला आहे. हा निर्णय गुरुवार, दिनांक 23 ऑक्टोबर रोजी दुपारी अकरा वाजता शिवतीर्थ येथे घेण्यात आला.

या वेळी मनसेचे राहुल पवार आणि शिवसेना (उद्धव बाळासाहेब ठाकरे गटाचे) बाळासाहेब शिंदे उपस्थित होते. दोघांनीही पत्रकारांशी बोलताना सांगितले की,

वरिष्ठांनी जर सांगितले की महाविकास आघाडीतून लढायचे आहे, तर त्यासाठीही आम्ही तयार आहोत. नगरपालिकेत आमचे जास्तीत जास्त उमेदवार निवडून यावेत, यासाठी आम्ही एकत्रितपणे काम करणार आहोत.”



या युतीमुळे साताऱ्यातील राजकीय समीकरणांमध्ये मोठे बदल होण्याची शक्यता आहे. आगामी निवडणुकीत भाजप आणि काँग्रेससाठी ही युती ठरणार का आव्हानात्मक? याकडे सर्वांचे लक्ष लागले आहे.
सातारा शहरात शिवतीर्थ येथील या बैठकीनंतर कार्यकर्त्यांमध्ये उत्साहाचे वातावरण निर्माण झाले आहे.