Tv Klan - 18 të arrestuar për protestën e PD, mes tyre 3 të mitur

Описание: 18 protestues janë vënë në pranga nga policia e Tiranës, pasi dyshohet se kanë kundërshtuar uniformat blu, si dhe kanë hedhur në drejtim të tyre, molotovë e sende të forta, gjatë tubimit të organizuar nga Partia Demokratike.

Mes të arrestuarve janë dhe 3 të mitur, të moshës 15, 16 dhe 17 vjeç. 

Ndërkohë janë proceduar penalisht 28 persona të tjerë, po pjesëmarrës në protestë, mes të cilëve dhe deputeti i PD-së, Klevis Balliu.

Ky i fundit, sipas uniformave blu ka dyshime se ka qenë mes organizatorëve të grupit të protestuesve, që për policinë kanë kryer veprime të kundraligjshme.

Krahas arrestimeve dhe procedimeve, policia e Tiranës tha se gjatë protestës së zhvilluar, u sekuestruan çanta me 25 molotovë të pashpërthyer, si dhe 27 celularë.

Protesta e opozitës zgjati rreth tre orë, ndërsa për më shumë se një orë e gjysmë u shoqërua me tensione mes protestuesve dhe forcave të rendit.

Policia tentoi disa herë të shpërndante turmën duke përdorur ujë dhe gaz lotsjellës, por protestuesit nuk u tërhoqën, duke iu kundërpërgjigjur me molotovë dhe mjete piroteknike.

Nga përplasja mes tyre, pati të lënduar vetëm nga radhët e protestuesve.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/