Tv Klan - SHBA godet hakerat iranianë! Mes tyre, “Homeland Justice” që sulmoi Shqipërinë

Описание: Shtetet e Bashkuara kanë ndërmarrë një operacion të rëndësishëm kundër infrastrukturës kibernetike të lidhur me Iranin, duke sekuestruar katër faqe interneti të përdorura për sulme. Pamje Dep. Justice

Në këtë aksion përmendet drejtpërdrejt Shqipëria, e cila ka qenë disa herë shënjestër e sulmeve dhe publikimit të të dhënave sensitive nga i njëjti rrjet.

Departamenti Amerikan i Drejtësisë njoftoi se domenet e sekuestruara ishin të lidhura me Ministrinë e Inteligjencës dhe Sigurisë së Iranit.

Domenet e sekuestruara:
Justicehomeland.org
Handala-Hack.to
Karmabelow80.org
Handala-Redwanted.to

Këto platforma janë përdorur për sulme kibernetike, shpërndarje të të dhënave të vjedhura dhe nxitje të dhunës ndaj kundërshtarëve të regjimit iranian.

Autoritetet amerikane konfirmuan se dy nga domenet e sekuestruara janë përdorur për të publikuar dokumente të vjedhura nga institucionet shtetërore shqiptare.

Sulmet ndaj Shqipërisë, thuhet në dokumente, besohet se lidhen drejtpërdrejt me qëndrimin e vendit tonë ndaj grupit opozitar iranian MEK, i cili strehohet në Manzë dhe ka bërë thirrje për rrëzimin e regjimit në Teheran.

Në biseda me agjentë të infiltruar të FBI-së, “Justice Homeland” pranoi se posedonte të gjitha të dhënat e hakeruara nga qeveria shqiptare, përfshirë databazën e e-Albania-s dhe të tjera, dhe ofroi t’i shiste ato.

Sipas autoriteteve amerikane, këto faqe shërbenin edhe si mjete për operacione psikologjike, duke përdorur të dhënat e vjedhura përmes hakerimit. Hetimet e FBI-së zbuluan se rrjeti nuk kufizohej vetëm në publikime online, por dërgonte edhe kërcënime direkte me vdekje ndaj gazetarëve dhe disidentëve iranianë në SHBA dhe vende të tjera.

Në një nga mesazhet, autorët pretendonin bashkëpunim me një kartel meksikan, duke ofruar shpërblime deri në 250 mijë dollarë për vrasjen e objektivave të tyre.

Departamenti amerikan i Shtetit shpalli edhe një shpërblim deri në 10 milionë dollarë për informacione që çojnë në identifikimin e personave të përfshirë në sulme ndaj infrastrukturës kritike amerikane.

Grupimi “Homeland Justice” ishte ai që ka marrë përsipër sulmet ndaj sistemeve online në Shqipëri në 2022-in, si dhe atë më të fundit ndaj Kuvendit.

Pas sulmeve kibernetike, Shqipëria ndërpreu marrëdhëniet diplomatike me Iranin, ndërsa gjatë kësaj jave Kuvendi e shpalli Republikën Islamike shtet sponsor të terrorizmit.

Tv Klan

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/