උද්ගත වී ඇති බාල ගල් අගුරු ගැටලුව ගැන විපක්ෂ නායකවරයා අසන්න සිටි ප්‍රශ්න රැසකට වාරණය.

Описание: උද්ගත වී ඇති බාල ගල් අගුරු ගැටලුව ගැන විපක්ෂ නායකවරයා අසන්න සිටි ප්‍රශ්න රැසකට වාරණය.

ස්ථාවර නියෝග 27 (2) යටතේ රීති විරෝධී යැයි කතානායකවරයා විසින් තීන්දු කරන යම් ප්‍රශ්නයක් හැර මහලේකම්වරයාට දැනුම් දී ලැබ ඇති සියලු ප්‍රශ්න දැනුම් දෙන ලද දින සිට දින 7ක් ඉකුත් වන්නට මත්තෙන් නොයෙදන දිනකදී පිළිතුරු ලැබිමට පාර්ලිමේන්තුවේ න්‍යාය පුස්ථකයට ඇතුළත් කළ යුත්තේය. එසේ වුවද ප්‍රශ්න අවසානයේ පොදු වැදගත්කමකින් යුතු ප්‍රශ්නයක් අදාළ අමාත්‍යාවරයාට විධිමත් ලෙස දැනුම් දීමකින් අනතුරුව පාර්ලිමේන්තුවේ විරුද්ධ පාර්ශ්වයේ නායකයා හෝ පිළිගත් දේශපාලන පක්ෂයක නායකයකු විසින් අසනු ලැබිය හැකි බැවින් 2026. 3. 3. වැනි දින තමා විසින් ඉදිරිපත් කිරීමට නියමිත ගල් අගුරු සැපයුම් හා ප්‍රමිතිය සම්බන්ධ ගැටලුව සම්බන්ධයෙන් වන ප්‍රශ්නය ඉදිරිපත් කළ බවත් විපක්ෂ නායකවරයා පැවසීය.

ගෙනාව සෑම ගල් අගුරු නැවක්ම බාල බවත් මේ වන විටත් ආනයනය නොකළ ගල් අගුරු සම්බන්ධයෙන් ද ප්‍රශ්න කළ බවත් නොරොච්චෝලේ බලාගාරයේ සම්පූරෟණ ජනන ධාරිතාවය සහ ඒ සඳහා අවශ්‍ය වාර්ෂික ගල් අගුරු ප්‍රමාණය ගොඩබෑම සම්බන්ධයෙන් බවත් එහි දී ප්‍රසම්පාදන කාල සීමාව, නැව් වාර ගණන ආනයනික ගල් අගුරුවල තිබිය යුතු ප්‍රමිතිගත පිරිවිතර ආදි ගැන ප්‍රශ්න යොමු කළ බවත් දකුණු අප්‍රිකාවෙන් ගෙන ආ ගල් අගුරු බාල වීමට හේතු සහ ඒ නිසා සිදු වූ මූල්‍ය පාඩුව මෙහි දී ප්‍රශ්න කළ බවත් ගල් අගුරු ප්‍රමිතිය මැනීමට තත්‍යකාලීන දත්ත යොදා ගැනීමේ වැදගත්කම සහ පවතින නිෂ්පාදන අඩුව පියවිමට රජය ගන්නා විකල්ප ක්‍රියාමාර්ග සම්බන්ධයෙන් ද මෙහි දී තමා ප්‍රශ්න කළ බවත් මේ ප්‍රශ්න අහන්න තමාට පාර්ලිමේන්තුවේ අවස්ථාව නොමැති බවත් විපක්ෂ නායක සජත් ප්‍රේමදාස මහතා පැවසීය.

තමා ගල් අගුරු සම්බන්ධයෙන් අසන්න සිටි ප්‍රශ්නය සංශෝධනය කරන්නට කතානායකවරයා පැවසීම සිය වරප්‍රසාද උල්ලංඝනයක් යැයි පවසා විපක්ෂ නායක සජිත් ප්‍රේමදාස මහතා විසින් අද පාර්ලිමේන්තුවේ දී සිය වරප්‍රසාද ගැටලුව ඉදිරිපත් කරමින් මේ බව කියා සිටියේය.

හදිසි මිල දී ගැනීම සදහා බලපෑ හේතු එහි විනිවිදභාවය සම්බන්ධ හේතු විමසා ඇති බවත් නියමිත ධාරිතාවට විදුලි උත්පාදනය කළ නොහැකි නිසා අහිමි වන විදුලි බලය ලබා ගැනීමට රජය ගන්නා ක්‍රියාමාර්ග පවා ප්‍රශ්න කළ බවත් ගෙන ආ ගල් අගුරුවල GCE අගය එක් එක් නැව් සදහා වෙන් වෙන් වශයෙන් ඉදිරිපත් කිරීම, හදිසි ගල් අගුරු මිල දී ගැනීමට හේතු කරුණු සහ ප්‍රසම්පාදන ක්‍රමවේද ගැන අසන ප්‍රශ්නය ඇතුළු ප්‍රශ්න රැසක් පක්ෂ නායකයකුට ජාතික වැදගත්කමක් ඇති ප්‍රශ්න අහන්න අයිතියක් නොමැති බවට රජය සලකන බවත් මේ නිසා සිය වරප්‍රසාද උල්ලංඝනය වී ඇති බවත් විපක්ෂ නායකවරයා මෙහි දී පැවසීය.

රට මුහුණ දී ඇති විදුලි උත්පාදන අර්බුදධය ජාතික ආර්ථිකයට සහ ජන ජිවිතවට සෘජුවම බලපාන නිසා මෙවැනි ප්‍රශ්නයක් ඉදිරිපත් කිරිමට ඉඩ නොදීම සත්‍ය තොරතුරු දැන ගැනීමෙ අයිතිය හකුලා දැමීමක් බවත් පාර්ලිමෙන්තු බලපතල හා වරප්‍රසාද පනතේ 3 වැනි වගන්තිය ප්‍රකාරව පාර්ලිමේන්තුවේ භාෂණායේ හා විවාද කිරීමේ නිරත වන නිදහස උල්ලංඝනය වී ඇති නිසා මේ සම්බන්ධයෙන් අවශ්‍ය කටයුතු සිදු කරන මෙන් කතානායකවරයාගෙන් ඉල්ලා සිටින බවත් විපක්ෂ නායකවරයා පැවසීය.
දකුණු අප්‍රිකාවෙන් ගල් අගුරු නැව් 25ක් ඇනවුම් කර ඇති බවත් සභාව කල් තැබීමේ විවාදයෙන් පසුව පවා මේ නැව් ආනයනය කර ඇති බවත් මෙහි ප්‍රගතිය සම්බන්ධයෙන් ගැටලු රැසක් ඇති බවත් මෙගාවොට් 300 නිපදවන්න නොහැකි වී ඇති බවත් මේ සම්බන්ධයෙන් තමාට ප්‍රශ්න කිරීමට පවා අවස්ථාව නොලැබෙන බවත් විපක්ෂ නායකවරයා මෙහි දී පැවසීය.