Sildirim qayaligin uzerinde yerleshen sirli Qirxotaq abidesi… | Kanal S Xeber

Описание: Abone OL: https://goo.gl/W99fFm

Copyright © Kanal S_official

Sayt: https://kanal-s.az
Facebook: https://goo.gl/XVhVzG
Yolumuz İsmayıllının şəhər mərkəzindən xeyli aralıda yerləşən Qırxotaq abidəsinədir. Dərələrdən, təpələrdən, çaylardan keçməklə Sulut kəndindən 6 km şimal-qərb istiqamətində, Hərəm çayının sağ sahilində, sıldırım qayalığın üzərində, dəniz səviyyəsindən 1600 metr yüksəklikdə yerləşən Qırxotaq abidəsinə gəlib çatırıq. Abidənin divarlarının və ərazidə rast gəlinən tikililərin inşasında hörgü materialı kimi yerli qaya daşlarından istifadə edilib. Hörgü qalıqları, inşaatçıların yüksək peşəkarlığından və bu binanın mühüm statusundan xəbər verir. El arasında Hərəm qalası da adlanan 40 otaq abidəsi və ətraf ərazilər 1820-ci ilin sentyabr ayına qədər gərgin mübarizə meydanı olub. Lakin bu qeyri-bərabər mübarizədə Mustafa xan müqavimətin əhəmiyyətsiz və məğlubiyyətin labüd olduğunu başa düşərək, qalanı tərk etdiyi də deyilir. Beləliklə də, uzun əsrlər Şirvan hökmdarlarının etibarlı sığınacaq və müdafiə yeri olmuş Hərəm qalası tarixi əfsanəyə çevrilib. Dağıntıya baxmayaraq bəzi divar fraqmentlərinin həndəsi və konstruktiv xüsusiyyətlərini qismən təyin etmək olur. Bu hissələrdə divarların qalınlığı 1,5-2 metr, hündürlüyü isə dağılmış vəziyyətdə 3 metrə qədər dəyişir. Bəzi yerlərdə isə yerüstü hissə tam dağıldığından bünövrənin istiqamətini belə təyin etmək olmur. Mədəni İrsin Qorunması, İnkişafı və Bərpası üzrə Dövlət Xidmətindən verilən məlumata görə, 40 otaq qəsri tez -tez yerli və xarici qonaqların səfər etdiyi tarixi abidələrdən biridir. Bərpasına gəlincə, ölkəmizdə digər abidələr kimi gələcəkdə bu abidənin də bərpası nəzərdə tutulur.
#kanalsxəbər #abidə #ismayıllı