Berisha përballë të rinjve: Nga Lëvizja e Dhjetorit '90 te Shqipëria drejt BE-së-(4 Dhjetor 2011)

Описание: Lajme Arkiva 2011

Në një bashkëbisedim të gjatë me të rinj studentë të qytetit të Durrësit kryetar i qeverisë ju përgjigj interesit të tyre për Shqipërinë e viteve ‘90 dhe asaj të vitit 2011. Zoti Berisha tha se Lëvizja Studentore e 8 Dhjetorit 1990, kishte në themele të saj çështjen kombëtare.

Ai u ndal në momente të posaçme të atyre zhvillimeve kohë në të cilën u ngjiz dhe forca e parë politike opozitare, e cila pati një kontribut të posaçëm në shmangien e një konfliktit të hapur, ku regjimi komunist ishte në gramat e fundit të mbijetesës së tij.

Sali Berisha: “Pak ditë më parë po drekoja me Mikhail Gorbacov është një nga ata 2,3 personalitete më të mëdha të shekullit që shkoi shkojë që me rolin e tij, me qëndrimin e tij kontribuoi në mënyrën më të jashtëzakonshme në shembjen e sistemit komunist dhe kur unë i dhashë statistikën zyrtare, zoti president i them vetëm gra në Shqipëri janë pushkatuar 800 gra, prej të cilave dhe nëna shtatzënë. U trondit jashtë mase. Në dallim nga të gjitha regjimet ish-komuniste ka vra, ka ekzekutuar shumë herë më tepër me urinë dhe sëmundjet sesa me burgjet dhe skuadrat e pushkatimit. Unë dua tu rrëfej ju një të vërtetë personale, ndonëse i vendosur t’i kundërvihemi atij regjimi me çdo çmim dhe me çdo kush dhe kisha filluar shkrimet dhe qëllimet e mia, por nuk kisha besuar kurrë se një ditë do të shoh një ditë të lirë. Ne ishim në izolim të plotë dhe këtë terr të madh, këtë perde të rëndë, e çorrën të rinjtë e universiteteve të Tiranës.”

Shqipëria e 2011 siç tha zoti Berisha është ndryshe një vend që po ecën i sigurt drejt grupit të vendeve të zhvilluara.

Sali Berisha: “Vendi që 20 vjet më parë kishte 204 dollarë të ardhura për frymë ka sot mbi 8 mijë dollarë. Ka një ekonomi dinamike, ka një projekt të qartë dhe të sigurtë për integrimin në Bashkimin Europian.”

Të rinjtë e pyeten kryeministrin Berisha nëse kishte lexuar 2 nga botimet e reja që kanë dalë në treg “Kurbanin” me autor kryetarin e partisë socialiste Edi Rama dhe “Enver Hoxha” të gazetarit të njohur Blendi Fevziu.

I njohur me përmbajtjen e “Kurbanit” vetëm nëpërmjet shtypit, kryeministri Sali Berisha tha se libri i zotit Rama nuk lexohet për një arsye madhore, për mënyrën sesi ai denigron ish-bashkëpunëtorët e tij, por edhe për të pavërtetat lidhur me momentet e karrierës së tij politike.

Sali Berisha: “Zoti Rama ka të regjistruara në politikë zinxhirin më të gjatë të disfatave politike dhe rezulton që nuk është marrë aspak me analizën e tyre. Nuk e kam lexuar, sepse nga pasardhësit që ka botuar shtypi rezulton se ai operon në mënyrën më të vjetër me armikun e brendshëm. Mënyra sesi e përshkruan ai Fatos Nanon, absolutisht është mënyra më primitive njerëzore, e cila është identike me ato Enver Hoxhës për Haxhi Theshin apo për Zoi Fundon. Ky njeri e bëri ministër nga ku ishte në Paris, e solli, e propozoi për kryetar bashkie dhe në fund punoi së bashku me mua për rrëzimin e tij, se ato sheshet e mjaftit i mbushte PD zotëri. Ti shpalos klishenë më të vjetër të doktrinës totalitare se vetëm aty mund të gjesh një qëndrim të tillë ti ndaj Ilir Metës, i cili në Partinë Socialiste, ju them unë ju ka merita shumë të mëdha sepse kur ata deputetë bënin rezoluta në parlamentin shqiptar kundër meje, kundër partisë demokratike për anëtarësimin në NATO, kundër anëtarësimit në NATO dhe janë rezolutat njëra pas tjetrës, Ilir Meta ishte kundër, Pandeli Majko ishte kundër.”

Për librin e gazetarit Blendi Fevziu kryeministri tha se botimi është i bazuar kryekëput në fakte që dëshmojnë të vërteta historike mbi diktatorin Hoxha.

Sali Berisha: “Ka paraqitur në mënyrën më të dokumentuar mizoritë e tij për të mbajtur pushtetin dhe pa një pasion politik, gjykoje vetë, ky libër hedh dritë mbi bazë dokumentash gjer sot asnjë të përgënjeshtruar...”/tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/