កូនស្រីយើងអាយុប្រាំឆ្នាំហើយ - លោក អាប់ឌុល សារី | Kon Srey Yerg Ayu Bram Chnam Hoy - Audol Sari

Описание: ប្រវត្តិចម្រៀង
-------
បទចម្រៀងឆ្លើយតបដាក់គ្នាក្នុងទំនុកឈឺចាប់នៃទំនាក់ទំនងប្ដីប្រពន្ធ រវាង លោក អ៊ុំ សុផានុរក្ស ហៅ យែល និង អ្នកស្រី ហួយ មាស បានធ្វើឲ្យមហាជននាសម័យនោះមានសេចក្ដីអាណិតអាសូរជាពន់ពេក ដែលពីដើមមក លោក អ៊ុំ សុផានុរក្ស ហៅ យែល និង អ្នកស្រី ហួយ មាស ធ្លាប់តែល្អូកល្អិននឹងគ្នាដូចលលកញីឈ្មោល មិនគួរណាមានទំនាស់មកបំបែកបំបាក់ជីវិតស្នេហារបស់អ្នកទាំងពីរយ៉ាងនេះសោះ។ លុះពីបានច្រៀងចម្រៀង ៣ ទៅ ៤ បទ ដែលមានដូចជា (១) បទ ៖ សំឡេងទ្រខ្មែរ (២) បទ​​ ៖ ចិត្តខុសពីមុន (៣) បក្សីក្ងោកមាស (៤) ដំបៅស្នេហ៍ តបទៅតបមកកាលពីចុងទសវត្សរ៍ឆ្នាំ៦០នេះរួចមក ប្រវត្តិសាស្ត្ររបស់ប្រទេសកម្ពុជាក៏បានឈានមកដល់របត់មួយថ្មីដែរ នោះគឺការផ្លាស់ប្ដូរពីរបបសង្គមរាស្ត្រនិយម មកជា របបសាធារណរដ្ឋខ្មែរ។ គ្រានោះរឿងស្នេហាបែកបាក់របស់ លោក អ៊ុំ សុផានុរក្ស ហៅ យែល និង អ្នកស្រី ហួយ មាស ក៏បានស្ងប់ស្ងាត់បន្ដិចម្ដងៗទៅវិញ ដោយ អ្នកស្រី ហួយ មាស បានទៅរួមរស់ជាមួយនឹងស្វាមីទី២ គឺលោក វ៉ាន់លី កេសារ៉ូ ក្នុងនាមជាស្វាមី ភរិយាយ៉ាងពេញមុខ គ្រាន់មិនបានរៀបអាពាហ៍ពិពាហ៍ប៉ុណ្ណោះ។ ដោយឡែក លោក អ៊ុំ សុផានុរក្ស ហៅ យែល បាននាំកូនស្រីឈ្មោះថា អ៊ុំ សុម៉ាវត្តី ដែលជាតំណក់ឈាមជាមួយនឹង អ្នកស្រី ហួយ មាស នោះយកទៅចិញ្ចឹម ដោយរស់នៅជាម្ដាយរបស់លោក ហើយលោកមិនបានយកប្រពន្ធថ្មីទេ។ ឆ្លងកាត់ពេលវេលាពីមួយខែទៅមួយខែ ពីមួយឆ្នាំទៅមួយឆ្នាំ អ្នកផងទាំងពួងក៏សឹងតែភ្លេចរឿងនេះអស់ទៅហើយ រីឯរៀមច្បងម្ចាស់ខ្លួនទាំងពីរក៏ប្រហែលជាព្យាយាមបំភ្លេចនូវរឿងអតីតកាលដ៏ជូរចត់នេះផងដែរ។ ប៉ុន្តែ លុះចូលមកដល់ឆ្នាំ ១៩៧២ ស្រាប់តែដំបៅចាស់ដែលក្រៀមមុខជិតអស់ទៅហើយនោះក៏បានដកម្រាស់មកវិញ គឺខណៈពេលដែលកូនស្រី លោក អ៊ុំ សុផានុរក្ស ហៅ យែល ឈ្មោះ អ៊ុំ សុម៉ាវត្តី នោះបានអាយុ ៥ឆ្នាំ ហើយអ្នកដែលកេះដំបៅនោះគឺកូនស្រីនោះឯង។ ពេលនោះនាងចេះនិយាយច្បាស់ ហើយតែងតែសួររកម្ដាយនាងស្ទើររាល់ថ្ងៃ ព្រោះតាំងពីដឹងក្ដីមកនាងមិនដែលបានស្គាល់ និងឃើញមុខម្ដាយទាល់តែសោះ គឺឃើញតែមុខឪពុក និងជីដូនដែលថែរក្សានាងរាល់ថ្ងៃប៉ុណ្ណោះ។ ចំពោះរឿងនេះបានធ្វើឲ្យ លោក អ៊ុំ សុផានុរក្ស ហៅ យែល ក្ដុកក្ដួលទប់ទឹកភ្នែកស្ទើរពុំបាន ព្រោះមិនដឹងថាត្រូវឆ្លើយដូចម្ដេចទៅកូននោះទេ។ ដូច្នេះដើម្បីឲ្យអតីតភរិយា គឺ អ្នកស្រី ហួយ មាស បានដឹងពីទឹកចិត្តរបស់លោក និងចង់ផ្ងើសម្ដីដែលកូនតែងតែសួររកម្ដាយរាល់ថ្ងៃផងនោះ ទើបគ្រានោះនៅឆ្នាំ ១៩៧២ លោក អ៊ុំ សុផានុរក្ស ហៅ យែល ក៏បាននិពន្ធចម្រៀងមួយបទដែលមានចំណងជើងថា "កូនស្រីយើងអាយុ៥ឆ្នាំហើយ" ដោយប្រគល់ទំនុកនោះឲ្យ លោក អាប់ឌុល សារី ជាអ្នកបកស្រាយ ខណៈពេលដែល លោក អាប់ឌុល សារី ទើបតែចូលប្រឡូកក្នុងវិស័យសិល្បៈតន្ត្រី និងកំពុងតែល្បីល្បាញផងដែរ។
គួបញ្ជាក់ផងដែរថាបទនេះគឺជាបទចុងក្រោយហើយ ដែលបានច្រៀងឆ្លើយតបទៅមករវាង លោក អ៊ុំ សុផានុរក្ស ហៅ យែល​​ និង អ្នកស្រី ហួយ មាស។
-----------
ស្រាវជ្រាវដោយ ៖ លោក សេង តារា
   • Видео  
   • CTN Comedy : Kom Poul Kon / Olatte Concert...   
-----------
បទ ៖ សំឡេងទ្រខ្មែរ
   • Видео  
-----------
បទ ៖ ចិត្តខុសពីមុន
   • ចិត្តខុសពីមុន - សំនៀងដើម អ្នកស្រីហួយ មាស -...  
-----------
បទ ៖ បក្សីក្ងោកមាស
   • បក្សីក្ងោកមាស - លោក អ៊ឹម សុងសឺម | Baksey K...  
-----------
បទ ៖ ដំបៅស្នេហ៍
   • ដំបៅស្នេហ៍ - អ្នកស្រី ម៉ៅ សារ៉េត | Dom Bao...