Sis RUTH MARTIN, “Her Disciplined Walk of Faith” Today’s Leader of Faith II.John Michael, RJY.

Описание: నేటి విశ్వాస నాయకురాలు
సహోదరి రూత్ మార్టిన్
పరలోక పిలుపు : 12 సెప్టెంబరు 2010
(సామెతలు 10 : 7)
దేవుని సేవకురాలు, ఆదరించే ఆత్మీయతల్లి, ధైర్యశాలి, ప్రార్థన యోధురాలు, క్రమశిక్షణే ఈమె ప్రత్యేకత.

సహోదరి రూత్ మార్టిన్ (1926-2010) ఈమె దైవదాసుడు భక్త్ సింగ్ గారికి అత్యంత సన్నిహితుడైన సహచరుడు, సహోదరుడు మార్టిన్ సత్యనాథన్ గారి సతీమణిగా అందరకి సుపరిచితురాలు. సహవాస ప్రారంభములో మొదటి సహోదరిగా సంపూర్ణసేవకు సమర్పించుకున్న దేవుని సేవకురాలు. మద్రాసు, జెహోవా-షమ్మా నుండి కేంద్ర పరిచర్యను మార్చే క్రమములో దైవదాసుడు భక్త్ సింగ్ గారితోపాటు 1950 సెప్టెంబరు 25న హైదరాబాదుకు తరలి వచ్చిన కొద్దిమందిలో ఈమె కూడా ఒకరు. ప్రారంభ సహవాసములో ఒక సంచలన వార్త. ఈమె తన చెల్లెలు ఇద్దరూ జెహోవా-షమ్మాలో ప్రవేశించిన తీరు, ఆ కాలంలో వింతగా చెప్పుకొనేవారు. ఎందుకనగా! సహవాసములోఉన్న దైవసేవకులెవరైనా, సహోదరుడు భక్త్ సింగ్ గారి సేవా పిలుపుకు లోబడి, దేవుని చిత్తమును కనుగొని సంపూర్ణ సేవకు సమర్పించుకొన్నవారే! అయితే, వీరు మాత్రం అన్యులుగా దేవుని గృహములో ప్రవేశించి భక్త్ సింగ్ గారి వాక్యముద్వారా రక్షించబడి, వీరి జీవితమును త్యాగము చేసి, తమ్మును తాము ప్రభువువారి సంపూర్ణ సేవకు అప్పగించుకొనిరి. జీవితం మీద విసుకుచెంది పారిపోయి వచ్చిన వీరిని దైవదాసుడు అక్కున చేర్చుకొని, చూపించిన క్రీస్తుప్రేమను ఆ కాలంలో విశేషముగా అందరూ గుర్తించిరి. అయితే, దేవుని కృపాఏర్పాటులో ఉన్నామని అప్పట్లో వీరికి తెలియదు. ఎవరైనా దేవుని సంకల్పంలోయుండి, ఆయన పిలుపుకు లోబడితే, ఎలాంటి కష్ట పరిస్తితుల్లోఉన్నా ఆయన ఏలాగు నడిపించగలడో చూడగలము. బైబిలులో రూతువలె (రూతు 2 : 11 , 12 “నీవు నీ తల్లిదండ్రులను నీ జన్మభూమిని విడచి, యింతకుముందు నీవు ఎరుగని జనము నొద్దకు వచ్చితివి. యెహోవా నీవు చేసినదానికి ప్రతిఫలమిచ్చును; ఇశ్రాయేలీయుల దేవుడైన యెహోవా రెక్కలక్రింద సురక్షితముగా నుండునట్లు నీవు వచ్చితివి; ఆయన నీకు సంపూర్ణమైన బహుమానమిచ్చును.”) ఈ సహోదరి రూతును కూడా ప్రభువు అలాగే తన రెక్కలక్రింద ఆశ్రయమిచ్చి, ఆశీర్వదించి, సురక్షితముగా భద్రపరచి, విశ్వాసములోనుండి తప్పిపోకుండా చివరివరకు నడిపించెను. అలాగే, ఈమె జెహోవా-షమ్మా – ఏలీము – పరిచర్య చేసిన సంఘాలలో దేవుని సేవకురాలిగా తన విశ్వాస ప్రయాణమును క్రమశిక్షణతో కొనసాగించుచూ, అనుభవజీవితంలో ఈమె చూపిన ప్రేమ, సమర్పణ, త్యాగం —అన్నియు ఆయనను మహిమపరచినవే!

IF you want full text follow my face book.

కుటుంబముగా 1957 సంవత్సరములో సంఘమును స్థాపించుటకు రాజమండ్రి వచ్చినప్పుడు, కానుకలు పైసలులోనే ఉండేవి. ప్రభువు దినమందు దూరమునుండి వచ్చేవారికి, ఈమె ఆరాధనానంతరము వీరు త్రాగే నూకల జావనే ఒక పెద్ద గ్లాసునిండా ఇస్తూ ఉండేవారు. ఆ రోజంతటికి అదే ఆహారము. ప్రతీవారము ఈమె స్వచ్ఛమైన ప్రేమను రుచిచూసిన వారిలో నా తల్లిదండ్రులు కూడా ఉన్నారు. ప్రభువు ఆశీర్వదించిన కొలది, ఎంతోమంది సేదతీరుటకు, అనేక విశ్వాస కుటుంబములు కట్టబడుటకు ప్రభువే ఈమెను ఉపయోగించుకొనెను. తరువాత విశాఖపట్నం, షాలేములో ఆశీర్వదించబడుతున్న మందిర సమృద్ధి ద్వారా కష్టకాలంలో ఉన్నవారిని అక్కున చేర్చుకొని, ఆత్మీయ తల్లిగా ఆదరించి, ఆశ్రయం కల్పించి, అనుభవపూర్వకంగా ఈమె చూపించిన క్రీస్తుప్రేమ వెలకట్టలేనిది. ఈమె ఎన్నో కష్టాలను అనుభవించి ప్రభువు కృపనుబట్టి వాటిని అధిగమించి వచ్చారు కాబట్టి, అటువంటి పరిస్థితులలో ఉన్న నిరుపేదలైన విశ్వాసులను, ఆపదలోనున్నవారిని, అవసరతలోయున్న సేవకుల కుటుంబములను ఆదుకొనేవారు. ఈలాగు ప్రభువు గృహమునుండి సహాయ సహకారములు అందించుటవలన ఎన్నో కుటుంబాలు బౌతికంగా, ఆర్ధికంగా నిలదొక్కుకోవడం మాత్రమే కాకుండా ఆత్మీయంగా దేవునిలో స్థిరపడేవారు. ప్రధానంగా! సంఘాలలో పరిశుద్ధ వైవాహిక బంధాలకు మార్గం చూపించే విశేషమైన సేవా బాధ్యతను ప్రభువే ఈమెకు కల్పించెను. ఫలితంగా అనేకమంది దాంపత్య జీవితంలో ఆశీర్వదించబడ్డారు. అటువంటి ఆశీర్వాదప్రదమైన జంటలలో నా కుటుంబమూ ఒకటి. ఈమెకు ప్రభువిచ్చిన భారము కొలది, ఈలాగు ఎన్నో రకాలుగా అనేక సంఘాలలో తన బాధ్యతలను అనుభవపూర్వకంగా నెరవేర్చి ఆయనకే మహిమను కలిగించిరి.

సహోదరి. రూత్ మార్టిన్, ఈమె జీవితం, పరిచర్య ఎన్నో కుటుంబాలకు ఆశీర్వాదకరంగా, మాదిరికరంగా ఉంటూ, రక్షించబడినప్పటి నుండి ప్రభువు చెంతకు చేరేవరకు, ఆయనను నమ్మకంగా సేవించుచు, పొందిన రక్షణానందమును, సాక్ష్యమును పదిలపరచుకొని, తన 84 వ ఏట, 67 సంవత్సరాల సుదీర్ఘ సేవచేసి తన విశ్వాసమును కాపాడుకొని జీవిత పరుగును కడముట్టించిరి.

“నేటి విశ్వాస సందేశము" ద్వారా, దేవునికి సేవ చేసేలా ప్రేరేపించడమే, ఈ పరిచర్య లక్ష్యం. భారమున్నచో ఇతరులనూ ప్రేరేపించండి.
ప్రభువు నామమున వందనములు 🙏🏻
జాన్ మైఖేల్, రాజమండ్రి.