Даулет Стамғазиев - Жарапазан | Премьера!

Описание: Әні: Сәндібек Ботабаев
Сөзі: Сәндібек Ботабаев

« Айтамын,Жарапазан! »

Ниетпен бастайтұғын күшті амалдан,
Қадамын жақсылыққа тұстап алған.
Айлардың сұлтанына аман жеткен,
Оразаң қабыл болсын ұстаған жан!

Айтамын жарапазан есігіңе,
Қошқардай ұлдар берсін бесігіңе.
Қыздарды берсін тағы айдай сұлу,
Ел жұрты сүйсінетін есіміне.

Қайырмасы:

Жарапазан батысқа,
Жарапазан шығысқа.
Арнап тілек айтамын,
Қазақ дейтін ұлысқа!

Оңтүстігім ордалы,
Солтүстігім зор бағы.
Шашуыңды аямай,
Шашып берсең болғаны!
Тұр ғой көңіл толғалы!

Айтамын Жарапазан үйіңізге,
Жетеді бір Құдайдың сыйы бізге.
Тойдырған ел халықты аспен дәмге,
Той думан бола берсін үйіңізде.

Айтамын тілек әрбір қазағыма,
Жетсін деп арманы мен ғажабына.
Әр қазақ үйлі болсын,күйлі болсын,
Қайғысы сыймай өмір базарына!