1127D)31.1.26–P5-BHAGVAT 10ASKANDH (OOTR) 82ADHYAY – SHREE KRISHN-BALRAMJEE-SE GOPE-GOPION-KI BHEINT

Описание: (link -    / @harendrasinha7467  )
1127DAY) 31.01.2026 – PART5 - SHREE MAD-BHAGVAT MAHAPURAN DASHAM ASKANDH (OOTRARDH) BYA-SIWAAN (82) ADHYAY – BHAGWAN SHREE KRISHN-BALRAMJEE-SE GOPE-GOPION-KI BHEINT - BY Dr. HARENDRA PRASAD SINHA


Continued-------
1127DAY)
OM NAMO BHAGVATE VAASUDEVAYA
SHREE MAD-BHAGVAT MAHAPURAN
DASHAM ASKANDH
(OOTRARDH)
BYA-SIWAAN (82) ADHYAY
BHAGWAN SHREE KRISHN-BALRAM-SE GOPE-GOPION-KI BHEINT

Shree SHUKDEVJEE kahte hain - PARIKSHIT! Main kah chuka hoon ki Gopiyon-ke Param Priyatum, Jeevan-sarwasva Shree KRISHN hi the. Jab Unke darshan-ke samaya Netron-ke palkein gir padteen, tab Ve palkon-ko bananewale-ko hi kosne lagteen. Unhin Prem-ki Murti Gopiyon-ko aaj bahoot dinon-ke baad Bhagwan Shree KRISHN-KA darshan huaa. Unke mun-mein Iske liye kitni lalsa thi, iska anumaan bhi nahin kiya ja sakta. Unhone Netron-ke raste Apne Priyatum Shree KRISHN-KO hridaya-mein le jaker gaadh aalingan kiya aur mun-hi-mun aalingan karte-karte tanmay ho gayeen. PARIKSHIT! Kahan-tak kahoon, Ve oos bhaav-ko prapt ho gayeen, jo nitya-niranter abhyas karnewale Yogiyon-ke liye bhi atyant durlabh hai. Jab Bhagwan Shree KRISHN-NE dekha ki Gopiyaan Mujhse tadatamay-ko prapt - ek ho rahi hain, tab Ve ekaant-mein Unke paas gaye, Unko hridaya-se lagaya, kushal-mangal puchha aur hanste huye bole - .
"SAKHIYON! Hamlog Apne sage-sambandhiyon-ka kaam karne-ke liye Vraj-se baahar chale aaye aur isprakar Toomhari-jaise Preyasiyon-ko chhodker Ham shatruon-ka vinaash karne-mein oolajh gaye. Bahoot din beet gaye, kya kabhi Toomlog Hamara asmaran bhi karti ho? Meri Pyari GOPIYON! Kahin Toomlogon-ke mun-mein yah shanka tau nahin ho gayee ki Main akritagya hoon aur aisa samajhker Toomlog Hamse bura tau nahin maanne lagee ho? Nihsandeh Bhagwan hi Pranion-ke sanyog aur viyog-ke kaaran hain. Jaise Wayu baadlon, tinkon, ruee (cotton) aur dhooli-ke kanon-ko ek-dusare-se mila deti hai, aur phir swachchhand-roop-se unhein alag ker deti hai, waise hi samast padarthon-ke nirmata Bhagwan bhi sabka sanyog-viyog Apne ichchha-nusar karte rahte hain.
SAKHIYON! Yah bade saubhagya-ki baat hai ki Toom sab logon-ko Mera wah Prem prapt ho chuka hai, jo Meri hi prapti karanewala hai; kyaunki Mere prati ki huyee prem-bhakti praniyon-ko Amritatwa (Permanand-dham) pradaan karne-mein samarth hai. PYARI GOPIYON! Jaise ghat, put aadi jitne bhi bhautik padarth hain, unke aadi, annt aur madhya-mein, baahar aur bhiter, unke mool kaaran Prithvi, Jal, Wayu, Agni tatha Aakash hi oatprot ho rahe hain, waise hi jitne bhi padarth hain, unke pahle, peechhe, beech-mein, baahar aur bhiter kewal Main-Hi-Main hoon. Isi parakar sabhi praniyon-ke sharir-mein Yahi Paancho (5) Bhoot kaaran-roop-se isthit hain aur AATMA bhokta-ke roop-mein athwa Jeev-ke roop-mein isthit hai. Parantu Main in dono-se Pare AVINASHI SATYA hoon. Ye dono Mere hi ander pratit ho rahe hain, Toomlog aisa anubhav karo."
Shree SHUKDEVJEE kahte hain - PARIKSHIT! Bhagwan Shree KRISHN-NE isprakar Gopiyon-ko Adhyatm-gnyan-ki shiksha-se shikshit kiya. Oosi updesh-ke baar-baar asmaran-se Gopion-ka Jeev-kosh - Ling-sharir nusht ho gaya aur Ve Bhagwan-se ek ho gayee, Bhagwan-ko hi sada-sarvda-ke liye prapt ho gayeen. Unhone kaha - "HEY KAMAL-NAABH! Agaagh-bodh-sampann bade-bade Yogeshwar apne hridaya-kamal-mein Aapke Charan-kamlon-ka chintan karte rahte hain. Jo log sansar-ke Kuyein-mein gire huye hain, unhein oosse nikalne-ke liye Aapke Charan-kamal hi ekmaatra avlamban hai. PRABHO! Aap aisi kripa kijiye ki Aapka Wah Charan-kamal, ghar-grihasthi-ke kaam karte rahne-per bhi sada-sarvda hamare hridaya-mein viraajmaan rahe, Ham ek kshn-ke liye bhi Oose na bhulein. OM PARMATMANE NAMAH.
Prarthana:- Kripakar lekh ko apne sabhilogon ko batein (share karein) taki ve bhi iska laabh utha sakein aur kalyan ho. FB or whats app per link ko copy kar.