ახალი 6 | "იმედის" დაბრუნება | 17.10.12

Описание: არ მოვსულვართ რევანშით, მოვედით ობიექტურობის აღსადგენად-ასეთია ბადრი პატარკაციშვილის ოჯახის პოზიცია იმედში დაბრუნების შემდეგ. კანონიერი მესაკუთრეები საკადრო ცვლილებებს გეგმავენ, თუმცა ამ ეტაპზე დაკონკრეტებისგან თავს იკავებენ. კეთდება მინიშნებითი განცხადებები. ბადრი პატარკაციშვილის მეუღლე, შვილი, დები, ახლობლები, ოჯახის მრჩეველი და ადვოკატი ტელევიზიაში შუადღისას მივიდნენ. თანამშრომლების ნაწილი, ძირითადად პროგრამებზე მომუშავე ადამიანები, მრავალწლიანი დავის შემდეგ დაბრუნებულ კანონიერ მფლობელებს ტაშით შეხვდნენ. გარდაცვლილი ბიზნესმენის ოჯახის წევრებს პირადად გიორგი არველაძე დახვდა. მფლობელებმა არხი ცოტა ხნის წინ დატოვეს, თუმცა წასვლამდე ნანა პატარკაციშვილმა შენობა და პავილიონები დაათვალიერა. იმედში ამ დრომდე რჩება პატარკაციშვილების მრჩეველი, რომელიც უკვე ყოფილ გენერალურ დირექტორთან ერთად ტელე-კომპანიის ფინანსურ და ტექნიკურ საკითხებს განიხილავს. როგორ მოხდა ბიზნესმენის ოჯახსა და იმედის ხელმძღავნელოაბს შორის შეთანხმება, რა ელით თანამშრომლებს, მათ შორის საინფორმაციო სამსახურის ჟურნალისტებს-იმის გამო, რომ ტელევიზიის დაბრუნება სწრაფად მოხდა, პატარკაციშვილის ოჯახი პასუხების გასაცემად დროს ითხოვს.