Prinse Revue Kraonkelaere 2020: Uitroepen Prins Paul I (van de Laarschot)

Описание: Gelaen, 18 jannewari 2020
In ein geweldig oetverkochte tempel Reünie höbbe ze vandaag oetgerope tot 50ste prins van v.v. De Kraonkelaere: Paul van de Laarschot.
Paul zal vanaaf noe de Prinselijke titel dragen: Prins Paul I (van de Laarschot).

Paul is 32 jaor en woont thoes bie de auwesj in de Nachtegaalstraot, wo auch zien Prinse residentie zal waere. Hae is wirkzaam bie VDL Nedcar in Born.

Ósse nuuje prins is zeker geine onbekènde van de vereniging. In ut seizoen 1998-1999 woort Paul al Jeugprins Paul I.
Nao ein geweldig jaor same mit ziene graote Prins Erik I (Hornesch) ging Paul ut AJPK in. Mit dees geweldige groep Awt JeugPrinse Kraonkelaere trèk hae nog altied de kar.
Auch haet Paul ein verleje es Gewaerdrager van de vereniging en de jaore dr’nao lid van de Raod van Ellef. Door de drukte van ’t wirk (in schichten) haet Paul zien functie bie de Raod ein aantal jaor geleje neergelag.

Paul geit dit seizoen regere euver ’t Kraonkelaere-riek mit zien liefsjpreuk:

Veur de tweëde keër bèn ich tot Prins gekaoze,
En ich gaon same mit uch drie daag hosse & raoze.
Rich mit mich de naas nao eine kantj,
Dan zörge veer veur sjpass en plezeer in ós Kraonkelaere Landj!
Kraonkel, Alaaf! 🎭

Ze zeen enorm greuëtsj dat Paul ósse 50ste prins van de vereniging is gewaore en veer wènse dich enorm väöl plezeer de kommende tied.