Top Channel/ Kongresi “godet” Trump: Bllokon tarifat për Kanadanë, 6 republikanë kundër!

Описание: Konsiderohet një sinal shqetësues për Donald Trump, në pritje të zgjedhjeve të mesmandatit në nëntorin e ardhshëm, votimi i fundit i Dhomës së Përfaqësuesve e SHBA-së, e cila sfidoi hapur presidentin: gjashtë deputetë republikanë iu bashkuan demokratëve dhe miratuan bllokimin e tarifave ndaj Kanadasë.

Votat në mbështetjre të bllokimit të tarifave të reja ishin 219, ndërsa kundër 211. Një goditje e vërtetë për presidentin, me mazhorancën e mposhtur, që tregon se mbështetja ndaj Trump po lëkundet gjithnjë e më shumë, jo vetëm mes bazës elektorale, por edhe brenda vetë radhëve të partisë së tij: Ky ishte interpretimi i bërë kësaj vote nga mediat europiane. Deputetët, sipas tyre, duket se reflektojnë zhgënjimin e votuesve, të evidentuar nga sondazhe të ndryshme: nga Gallup te “approval tracker” i Economist, nga Reuters/Ipsos te Real Clear Politics-të gjitha tregojnë një rënie të mbështetjes për administratën e Shtëpisë së Bardhë.

Pak pas votimit, Trump deklaroi se ligjvënësit republikanë që kundërshtojnë politikat e tij tarifore “do të përballen me pasoja në zgjedhje”, përfshirë këtu edhe primaret. Megjithëse Senati ka ndërmarrë hapa muajt e fundit për të anuluar tarifat e vendosura nga presidenti, ky votim përbën herën e parë që Dhoma e Përfaqësuesve shprehet zyrtarisht për politikën tregtare të Trump që nga rikthimi i tij në Shtëpinë e Bardhë dhe përdorimi i tarifave si strategji ekonomike. Votimi për cdo rast është e pamundur që të ketë efekt praktik, pasi Trump pothuajse me siguri do të vendosë veton.

Por miratimi i masës pasqyron pakënaqësinë e disa ligjvënësve republikanë që Kongresi po i dorëzon gjithnjë e më shumë autoritetin tregtar Shtëpisë së Bardhë, si dhe shqetësimin se votuesit po dëmtohen nga këto taksa. Shkurtin e kaluar, Trump përdori “International Emergency Economic Poëers Act” për të shpallur një emergjencë të sigurisë kombëtare dhe për të vendosur tarifa prej 25% mbi të gjitha importet nga Kanadaja dhe Meksika, si dhe 10% mbi produktet që vijnë nga Kina. Si arsye, ai përmendi mangësitë në sigurinë kufitare të lidhura me trafikun e drogës dhe emigracionin e paligjshëm.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#DonaldTrump#Kuvend#TopChannelNews