MLADOSC MOJA - Mikola KORPAŠ

Описание: Prekrasna narodna pisnja pošvecena prehodnosci života. U dvoh strofoh narodni špivač hvarel, prez smutok, šicko o živoce, o tej riki htora čeče ljem u jednim naprajame i u čijej še istej vodi nje mož dvaraz okupac.

Poneže u časoh ked Mikola Korpaš intenzivno špival vekšina joho interpretacijoh nje buli zaznačeni na magnetoskop alje ljem u audio formi. Probujuci u tej primitivnjejšej formi videa dajak akcentovac ideji tej špivanki, pohasnovali zme fotki vodi jak život, jak cek života, fotki mladih dzivkoh simvolizuju mladosc, fotki krasnih duboh i jih ljiscoh simvolizuju moc i reinkarnaciju prirodi. Pri interpretaciji tej špivanki Mikola Korpaš unjesol naice krasni emociji htori, zoz gradaciju špivanja od cihoho po hlasne, nahlasuju tragiku ceka života od joho počatku ta po sam konjec.

Naj poveme i toto že Mikola KORPAŠ (1940-2011) bul, u periodze od 1964 po 1978 rok ta i poznjejše, najpopularnjejši špivač ruskih špivankoh na prostoroh buvšej Juhoslaviji. Korpaš bul perši špivač htoromu še udalo buc hitmejker, odnosno že dajedni špivanki htori von odšpival buli pravdivi hiti u tedišnjim čaše. Taki hlas, jaki von mal, rodzi še raz u 100 rokoh, abo i ridše. Rusnaci budu dluho čekac že bi oznova po ruski zašpival taki, pribljižni hlas, jaki bul hlas Mikoli Korpaša.


Младосц моя и подоба,
Як ми гинє, яґод вода
Гинє, гинє, марно гинє,
Як лїсточок на дубинє.

Лїсток спаднє, други будзе,
Младосц моя уж нє будзе
Рочки, рочки прехадзаю,
Младосц назад нє врацаю.