ციხესიმაგრე. კოტე ყუბანეიშვილი და ბუბა გზაჯვარედინი.

Описание: ჩვენი სამშობლო რადგან ვაზია,
არც ევროპა ვართ და არც აზია.

ამბავს გიამბობთ მოკლეს
საქართველოში მომკლეს.

თუ გამოეყო ქართველს ფონდები,
შენ არასოდეს მოაგონდები.

მე სამშობლოში მიჭირს,
გამოყენება ნიჭის.

თბილი ორშაბათი.
დასვენების დღე.
მე ვარ ისევ ათი —
მე ვარ დიდი ხე,
გარეული მტრედი,
მარტოხელა მთა,
შენი დათვი ტედი,
შენი ძმა და და.

აღარ უნდა გადადება
დაამოწმე დაბადება.

მტერი ხარ თუ მოყვარეო
ნუ ხარ უთავმოყვარეო.

სიტყვა შემდგარი მარტივ მარცვლებით
იცვლება ათი გადანაცვლებით.

არ გეწვევიან მუზები...
თუ კი არ წაიკუზები.

ლამაზი და გემრიელი ქალაქი,
ჩემი თბილი პირველი კაპიტალი,
ჭკვიანი და მწვანე გარეშე ლაქი,
მამაცი გული და სუფთა წყალი.
მეგობრული სილამაზის სალონი.
ჰაერი პატიოსანი და თავისუფალი.
მაცივრებში ცივი მაწონი,
და მსოფლიოს ქალი აქ დედოფალი.

კაცს თვისება აქვს ეჭვიანს
გვერდით ვერ იტანს ბევრ ჭკვიანს.

თუ არ გივარგა კვერცხები,
მტერთან ბრძოლაში შერცხვები.

რასაც არ აქვს ზემოქმედება,
არ არის შემოქმედება.

დელია და ოდელია
საქართველოს მოდელია.

წვიმა. მამა. სველი ძაღლი.
ცივი ღვინო. თბილი სახლი.
დედა. ვარდი. სიყვარული.
სულში კერა. დიდი გული.
შვილი. ნავი. სანაპირო.
შავი ზღვა და მწვანე კვირა.
ქვიშა. ქვები. გემი. მზე.
"ყველი. კვერცხი. პური. რძე".

ნაწილებად დაყოფილი
ვერ იქნები კმაყოფილი.

გამარჯობა სოფელო და ქალაქო
რეესტრივარ შენი სამოქალაქო.

მთელი ქურდული მალინა
გამოიგონა სტალინმა.

როცა გისმენს ნორჩი
რიჟა ბაზარს მორჩი.

"ჭადრაკი! ერთი თამაში — ხუთი ლარი.
თეთრი პაიკი — ბ-ორი-ბ-სამი.
არა ბოროტი და ომი.
კი ნატახტარი
და ბათუმის ლუდი.
სცადე და მოიგე!"

ვინმემ სიმართლე თუ თქვა
პროჭებს ეკვრებათ სუნთქვა.

ნუ ავირჩევთ იმ პარტიას,
ვინც არ იწვევს სიმპათიას.

ტკბილი და რბილი,
სველი, წითელი,
სამშობლო შვილის —
ცხელი მორალე.

მოღალატე რო გვერია
მტერი მიტო მოგვერია.

გმირთა ცამდე აყვანებმა
იცის გამოთაყვანება.

კარგი დღე,
დიდი ხე,
მხიარული მოსაწევი,
სასაცილო პარასკევი.

ზარმაცი კაცის ანბანი
ბალიშია და საბანი.

ყველაზე კარგი ხედია
სადაც არ გაგიხედია.

კარგი პლანის დამთესავი,
არის ჩვენი ნათესავი.

განა შველის გამართლება,
რომ გვაკლია განათლება.