Ақтөбе қар құрсауында қалды

Описание: Аймақта қар жауып, боран соғып, респбуликалық және облыстық маңызы бар жолдар жабылды. ТЖД күштерімен 7 адам құтқарылдып, 80 адам эвакуацияланып, жылыту пункттеріне жеткізілді. Көліктердің барлық түрі тоқтатылып, тас жолдар, кемпингтер мен тұрақтарда 1500 техника жиналып қалды. Қазір жағдай тұрақты. Өңірдегі барлық жол техникасы мен жұмысшылар тәулік бойы жұмыс режиміне көшірілді. Аймақта ұйытқыған боранның салдарынан кеше өңірдегі 3 республикалық және 4 облыстық маңызы бар автожолдарда қозғалыс шектелді. Сонымен қатар, республикалық маңызы бар 1 автожолында жүк және жолаушылар көлігі үшін қозғалысқа шектеу енгізілді. Облыстық ТЖД базасында облыстық жедел штаб құрылып, «жедел желі» телефоны жұмыс істеуде. Халықты хабардар ету мақсатында СМС-хабарламалар арқылы және «Darmen» мобильдік қосымшасы арқылы ақпарат таратылды. Әлеуметтік желілерде тиісті ұсынымдар берілді. Өңір аумағында қатты боран, бұрқасын болып, көріну деңгейі нөлге дейін төмендеді. Шектеулер енгізілген кезде тұрақтарда, автокемпингтер мен тас жолдардың бойында жеңіл көліктер, жолаушылар автобустары мен ауыр жүк көліктерін қоса алғанда, 1 500-нан аса көлік жиналды. Полиция қызметкерлері мен төтенше жағдайлар қызметі жағдайды тәулік бойы бақылап, қоғамдық тәртіп пен азаматтардың қауіпсіздігін қамтамасыз етті. Дегенмен, бүгін таңертең өңірдегі ауа райы жағдайы тұрақталды. Таңғы 7-де ТЖД барлық жолдардың ашылғандығын хабарлады. Жол жамылғысының жай-күйі мен қауіпсіздік деңгейі бағаланғаннан кейін көлік қозғалысы кезең-кезеңімен қайта жанданды. Жол-көлік оқиғаларының алдын алу мақсатында полиция қызметкерлері көлік құралдарын колонналарға біріктіріп, оларды сүйемелдеп жүрді. Аймақтағы барлық жол техникасы мен жұмысшылар тәулік бойы жұмыс режиміне көшірілді. Өңірде автомобиль жолдарының қысқы кезеңге дайындығы қамтамасыз етілді. Мұзға қарсы шамамен 34 мың тонна құм, 7,5 мың тонна техникалық тұз қоры дайындалған. Бұл туралы Қазавтажол хабарлады. Шамамен 1 900 шақырым автожолды күтіп-ұстау үшін 120-дан астам арнайы техника жұмылдырылған, қажет болған жағдайда қосымша техника тартылады. Қар басу қаупі жоғары учаскелерде қар тоқтататын қалқандар орнатылыпты. Қолайсыз ауа райы жағдайында жүргізушілер мен жолаушылар үшін 100-ге жуық жатын орны бар шамамен 15 жылыту пункті жұмыс істейді, делінген мекеме хабарламасында. Самара-Шымкент тас жолында құм мен тұздың қосымша көлемі дайындалып, кептелістердің алдын алу мақсатында уақытша айналма жолдар қарастырылған.
Сайт телеканала http://www.rikatv.kz/
Twitter   / rika_kz  
Вконтакте https://vk.com/rikatv
Telegram https://t.me/evrikaaktobe