مجرور ( دق الولد ♣️♦️♠️♥️ ) | عيضه الثبيتي & شبل سفيان | حصرياً 2025

Описание: ليا بانت نجوم الليل موعدنا نجوم الليل
هلا يامرحبا حياكم الله هيل عِد السيل
تراحيبٍ شذاها عودٍ معتّق وبن وهيل
عسى الله ينصر الاسلام ويعز السعوديه

👇🏻👇🏻👇🏻

ما طيب البن والهيل والزعفران
من يمينٍ تبشر بعلم السعد
يقعد الراس ويزيد صدري سعه
يقعد الراس ويزيد صدري سعه

لا استوى الجو والضيق ماله مكان
صب فنجال قهوه ودق الولد
عُقب عذب السوالف ندق اربعه
عُقب عذب السوالف ندق اربعه

وان سرى الليل ابا اربط حزام الامان
واسري مع المزفلت ماهو بالجلد
ماعليه لو ان الدير مقطعه
ماعليه لو ان الدير مقطعه

في ضميري بحر والله المستعان
ساعة الشعر دقّت بليا وعد
لاطرا البيت جاء بيت ثاني معه
لاطرا البيت جاء بيت ثاني معه

الكفو نفتخربه عيانٍ بيان
عنده الحل ومحلحلات العقد
يزرع الطيب ويحصد مايزرعه
يزرع الطيب ويحصد مايزرعه

يافهد محفلك مثل عيد رمضان
والله أنّك حزام السعد يافهد
يرفع الراس طاريك يوم اسمعه
يرفع الراس طاريك يوم اسمعه

ابن عمٍ تنومس ومرفوع شان
فالمواقف نعدّك ياطير الهدد
انسف البشت و الحر من مطلعه
انسف البشت و الحر من مطلعه

سنّدك راس شيخ ٍ نعده حصان
فاضل ابن دبيان درع و سند
كلنا فالمواقيف رهن اصبعه
كلنا فالمواقيف رهن اصبعه

مرحبا قالها القلب قبل اللسان
مرحبا جمع ماهو باحد دون احد
ضيفنا لا لفى فالصدر موقعه
ضيفنا لا لفى فالصدر موقعه

عودٍ أزرق يذعذع وحيلٍ سمان
في محلٍ مشيّد بساس وعمد
لا اقبل الليل نور القصر يدفعه
لا اقبل الليل نور القصر يدفعه

كل حفلٍ نسوّيه عن مهرجان
من غلا الضيف والقدر ماله عدد
قبل لا نطبع الكرت فالمطبعه
قبل لا نطبع الكرت فالمطبعه

عزوة ثبيت ربعي لا مال الزمان
فعلهم فالمواقيف ماينجحد
نعشق الطيب و المصطفى نتبعه
نعشق الطيب و المصطفى نتبعه

ماتحصّل عتيبي بخيل وجبان
روسنا فوق ومن المهد لـ الحد
واحدٍ يرخي الراس مايرفعه
واحدٍ يرخي الراس مايرفعه

اهل سيفٍ صقيل وسنان وعنان
لا دعانا الملك دون حد البلد
حيث ماقال سلمان حنا معه
حيث ماقال سلمان حنا معه

عيضه الثبيتي