Vodhën 6 monopatina dhe biçikleta,1 i arrestuar, 2 në kërkim, kamerat e sigurisë i kapin mat

Описание: Gjatë muajit prill, vodhën 6 monopatina dhe biçikleta, identifikohen 3 shtetas.

Vihet në pranga njëri prej tyre. Sekuestrohet një sasi kokaine, që iu gjet atij, gjatë kontrollit fizik.

Shpallen në kërkim 2 bashkëpunëtorët. Shërbimet e Komisariatit të Policisë Nr. 2, në vijim të punës për goditjen e veprimtarisë kriminale në fushën e vjedhjes, bazuar në denoncimet e disa qytetarëve, për raste të vjedhjes të monopatinave dhe biçikletave të tyre, dhe në informacionet e siguruara nga inteligjenca policore, kanë organizuar dhe finalizuar operacionin policor të koduar “Mystery”.

Në kuadër të operacionit, u arrestua shtetasi A. M., 19 vjeç, banues në Tiranë dhe u shpallën në kërkim shtetasit A. U., 32 vjeç dhe A. H., 22 vjeç, të dyshuar si bashkëpunëtorë.

Në momentin e ndalimit, shtetasit A. M. i është gjetur një sasi lënde e dyshuar narkotike kokainë.

Nga veprimet hetimore dyshohet se këta tre shtetas, gjatë muajit prill, kanë vjedhur 3 biçikleta dhe 3 monopatina, të shtetasve të ndryshëm, në zona të ndryshme të Tiranës.

Vijon hetimet për zbardhjen e vjedhjeve të tjera që mund të jenë kryer nga këta shtetas.

Materialet procedurale i kaluan Prokurorisë, për veprime të mëtejshme, për veprën penale "Vjedhja", kryer në bashkëpunim.

Subscribe në kanalin “News24 Albania” për më shumë lajme:    / news24albania  

Website: https://www.balkanweb.com/
Ndiq News24 në Facebook: https://bit.ly/2K4vrI4
Ndiq News24 në Instagram: http://bit.ly/41waTOE
Ndiq News24 në X:   / balkanwebcom  

#news24albania #lajmeshqip #lajme #lajmifundit #News24AL #news24