قصيدة مهداه الى الشيخ صالح بن موطان العتيبي كلمات مرزوق الثبيتي أداء نياف تركي

Описание: تابع القناة الرسمية للمنشد نياف ليصلك كل ماهو جديد
https://shorturl.at/ruFPY
الاعمال حصريه هنا وعرضها يعرضك لايقاف القناة
. تابع القناة الرسمية للمنشد نياف ليصلك كل ماهو جديد

   / @nayafturke  

قصيده مهداه الى الشيخ صالح بن عبدالرحمن بن موطان العتيبي

 كلمات مرزوق الثبيتي
أداء نياف تركي
لحن وهندسة صوتيه :ناصر الشيباني
تنفيذ مميز للمونتاج

الكلمات

اه من ضيقة ولعت فالجوف
لين خلتني اطلع على المشراف

احسبنه بحال العليل يروف
وزود الرجم همي ثلاث اضعاف

قلت ابدله براسه وامد الشوف
في ديارن المحبين والاسلاف

لو بعدهم واغني على المكشوف
حسنها راح ونزولها تنعاف

لو يساقي الثرى كل ليل قنوف
ريفها فوقه من التراب لحاف

مات هاك الغلا اللي قبل منصوف
قدرت الله مابين نون وكاف

ويش ابا فالطويله وانا مشعوف
وجوها اللي يزيد الشعاف شعاف

راس عيطن عليها الهبوب تلوف
كنت احسب الهوى للهموم اسعاف

مير حولت بالخاطر الملهوف
الاماني خضر والسنين عجاف

ليت للضيق وصفه ولو بولوف
وتنوجد في تعافي وفالسقاف

ماذبحني هوى ضامر السرجوف
معطن البيض من بعدها الاكتاف

ماتمر الليالي بدون ظروف
لذة مغامرتها فالاستكشاف

نظرتي بين بيض النجوم تطوف
والليالي فرص والنجاح اهداف

لو شركنا نسيج الحرير بصوف
انتهى الجهد واختلطت الاصناف

نوب اخلي هزيل الكلام يطوف
مادرى الكونقرس عنك يالصحاف

بايعن صحبة الصاحب الملقوف
السراير ردى والثياب نظاف

اسردن في عروض العرب مكلوف
سود قلبه ورى مهجته ينشاف

ومشترن صحبت الوافي المعروف
لا وصلته حذفت الهموم خلاف

صالح اللي معقّب وراه صفوف
وان وقف دونهم يحتمي الميقاف

مالحق اللي مضى فالزمان حسوف
عقب عرفه فانا ماعلي خلاف

مجلسه كل ليله وفيه ضيوف
المعول ضيوفه مع الاشراف

مجلسن يمن اللي لحقهم خوف
كن بيته لهم حجة استئناف

ماجلس في ركونه ردي وضعوف
مجلسه فيه حماية الاطراف

فيه حتى السواليف حد سيوف
من قدر صاحبه ماتجيك خفاف

كل ماجيت قصره على المالؤف
قلت نفرت حجيجن بعد ماطاف

الجيوب الجدد والبنوز وقوف
مالها هي واهلها عنه محراف

وارداتن لهداج ورد خفوف
عيلمن مانقص يتعب الغراف

العرب مالها فالبخيل شفوف
عابد المال وبطاقة الصراف

وشيختن ماترد الغزاه نكوف
خلها عنك ياللي تبي الانصاف

بس ماغير سكبه ورز كتوف
والروابع هوى والعزوم ضعاف

وكلمة الشيخ كلمة ثلاث حروف
عانها كوم بوزارة الاوقاف

والا انا من شروره لحد الجوف
ماحدن شال حملي عن الاكتاف

غير ابو مرحبا حي هاك الشوف
ابن موطان صالح زبون القاف

متعب الشعر اله والتعب مخلوف
من غلن مقبلن بي على الاسراف

بيت شعري دخيرة كلاشنكوف
يزعل الخبل ويقنّع العراف .
.
#نياف_تركي
توزيع ديجيتال قنوات ميوزك
__________________________________________________
TikTok : https://shorturl.at/mCE36 : تيكتوك
Snapchat : https://shorturl.at/gjEO5 : سناب شات
X (Twitter) : https://shorturl.at/lzEK7 : تويتر