Amar Katha बुधो अमर कथा सुखधाम जी सचे स्वामी टेऊँराम जीBudho Amar Katha sukhdham

Описание: Amar Katha बुधो अमर कथा सुखधाम जी सचे स्वामी टेऊँराम जीBudho Amar Katha sukhdham ‎@Amrapur Darbar 

#Prem_Prakash_Mandal
#Amrapur_sthan
#Satnam;sakhi
Swami _ Teoonram_Maharaj
#Swami _BhagatPrakash _Maharaj


बु॒धो अमरकथा सुखधाम जी, सचे स्वामी टेऊँराम जी।
रही दुनियां खां दूर , कई भगि॒ती भरपूर , सही सख्तियूं ऐं सूर , पातो नूरानी सो नूर ।

1. हिक दी॒हुं चेलाराम जे द्वारे , जोगि॒युनि जी आई टोली पधारे।
दर ते चयो तिनि इंए पुकारे ।। बुधो...

2. भोज॒न भाव सां जो खाराए , मन जूं मुरादूं सोई पाए।
मालिकु तिन ते महर वसाए । बुधो....

3. मां कृष्णा कयो त्यारु भण्डारो , भाव भगि॒ति सां भरियल भारो।
खुश थी खाधो साधनि सारो । बुधो....

4 थ्या से राही दे॒ई दुआऊं , अथव असांजूं आसीसाऊं।
झट वरन्दियूं घर में वाधायूं । बुधो.....

5. नेम संजम सां व्रत खे धारे , चालीहे जो पारणु पारे ।
माता प्रभूअ खे पई पुकारे । बुधो.....

6. चालीहें दि॒हुॅं थ्यो व्रतु समापनु , सुपने में थ्यो ईश्वर दर्शनु ।
मनोकामना थीन्दी पूरण । बुधो......


7. त्रिलोकीअ जो नाथु स्वामी , गोद भरण आयो अन्तर्यामी
जनमु वठी आयो सुखधामी । बुधो....

8. महिनों आखाड़ जो छठ तिथि न्यारी , छंछर दि॒हुॅं आयो सुखकारी।
जग में थी वई जय जयकारी । बुधो.....

9. छठी छहें दि॒हुॅं पढ़ी बुधाई , बां॒भण चयो आ नूरु इलाही ।
टेऊँरामु नालो सुखदाई । बुधो....।

10. खण्डूअ शहर में थी गुलजारी , घर-घर थी वई बाग बहारी।
दरसु करे खुश थ्या नर नारी । बुधो.....।

11. मदालसा जीएं दे॒ई लोली , ज्ञान जी माउ बु॒धाई बोली ।
सिख्या दि॒नाईं सच जी सउली । बुधो....

12. बचपन खां मनि भगि॒ती धारी , शान्ति एकान्ति लगी॒ थे प्यारी।
परमेश्वर सां प्रीती पारी । बुधो.....।

13. पाठशाला व्या करण पढ़ाई , मिल्यो उते सतगुरु सुखदाई ।
सांई आसूराम आ महर वसाई । बुधो.....

14. सतगुरु शब्द सां लिंवड़ी लाए , वेही अकेलो जोग॒ पचाए।
मनु मालिक सां छदि॒यो मिलाए । बुधो.....

15. हट ते हरी नाम जो सुमरन , बाग ब॒नीअ में थे प्यो कीर्तन ।
घर में रोज हले संकीर्तन । बुधो.....

16. वधन्दी वई वृत्ति वैरागी , प्रभूअ मिलण जी प्यासा जागी।
जग जी सारी तमन्ना त्यागी । बुधो....

17. वेही एकान्ती अस्थाननि में , जंगल जबल झर वणनि टिणनि में।
रामु रीझायो तिनि मसणनि में । बुधो.....

18. सैरु कयो बणिजी सैलानी , घर घर गा॒यो राग॒ रूहानी ।
अनभै जी बो॒ल्याऊं बा॒णी । बुधो....

19. सैरु कन्दे टंडे में आया , दि॒सी एकान्ती आसण लाया ।
वारीअ ते वेही हरिगुण गा॒या, बुधो

20. वेठा आशिक वञी अकेला , हरे हरे मचन्दा व्या मेला ।
अजबु धणीअ जा आहिनि खेला । बुधो...

21. कची कखनि जी कुटिया ठाहे , तहिं में वेठा ध्यानु लगाए ।
घुरिज घोट खे बी॒ का नाहे । बुधो....

22. दु॒थ दौं॒रनि ते कयो गुजारो , उञ बुख काटी करे सहारो।
सठो सियारो ऐं उन्हारो । बुधो....

23. खोज कन्दे खण्डूअ जा वासी , पहुता अची के प्रेमी प्यासी
दर्शनु तिनि पायो सुखरासी । बुधो....

24. मोटण जी पिण मिन्थ कयाऊं , खण्डू हलेण लइ घणो चयाऊं।
हथ ब॒धी दा॒ढो बादायऊं । बुधो....

25. वारीअ ते हाणे आहे विछाणो , ठाकुर ठाहियो ईहो ठिकाणो।
अमरापुर घरु आहि अबाणो । बुधो....

26. अटलु इरादा दिलि में अहिड़ा , ध्रुव भगत ऐं पहिलाज जहिड़ा।
जंगल में थी मंगल वयड़ा । बुधो.....

27. दीपक ते जीएं अचनि पतंगा , सिक वारा तिअं आया सुरन्दा
जत्था जिज्ञासुनि जा व्या जुड़न्दा, बुधो.

28. कचो झूपड़ो ठहियो कखाणो , सत्संग लाइ अदि॒जियो मांडाणो।
भजन भाव सां वस्यो वथाणो । बुधो....

29. प्रेम दि॒सी प्रेमियुनि जो भारी , सड पचु जी मती अगिनी सारी।
वैरियुनि कई विढ़ण जी त्यारी । बुधो....

30. भुंगियुनि में तिनि बाहि लगा॒ई , खूह में भरे वया से छाई।
बाग पटे व्या से शैदाई । बुधो.....

31. दि॒सी राम जा खेल निराला , हर रंग में से रहनि खुशहाला ।
पीता जिनी प्रेम जा प्याला । बुधो......

32. साज़ खणी आवाज मिलाए , दर्द मझां प्यो जोगी॒ गा॒ए।
रंजु न दिलि में कोई आहे । बुधो.....

33. खुशी रंज खां फारिकु आ दिल , जहिड़ो वीरानो तहिड़ी महफ़िल ।
अर्श खां ऊंची तिनिजी मंजिल । बुधो....

34. जरी जमीन जी ममता नाहे , राग द्वेष ना दिल में आहे।
मालिकु प्यो सभु रंग रचाए । बुधो......

35. आदि जुगांजुग प्रभूअ प्यारे , भगतनि॒ जा छदि॒या का॒ज संवारे ।
दुखड़ा दर्द छदि॒या सभु टारे । बुधो......

36. घट घट व्यापक अन्तर्यामी , करण कराइण हारो स्वामी।
पाण प्रगटुश थीन्दो सुखधामी । बुधो......

37. लछिमीअ सां ग॒दु विष्णु आयो , गोरे जो तंहि वेसु बणायो।
डिब॒ मथां अची दे॒रो लायो । बुधो....

38. गा॒ल्हि कयो जोगी॒ समझाए, कंहि हीअ बाहि लगा॒ई आहे
केरु बगीचा व्यो आ डाहे । बुधो.....

39. आहे तव्हांजी लीला सारी , मोहिनी माया नाथ न्यारी।
जंहिं त नचाई सृष्टी सारी । बुधो.....

40. वचन बु॒धी प्रभूअ मुस्कायो , चयो भली हिते दे॒रो लायो।
मिली संगति सां मौज मचायो । बुधो....

41. पाण प्रभू बणियो रखवालो , ठही त्यारु थ्यो धामु निरालो ।
अमरापुर आ जहिंजो नालो । बुधो.....

42. मचिजी व्या मेला मोचारा , अखण्डु हलनि भोजन भण्डारा।
वाणीअ जा वरसनि वसकारा । बुधो....

43. असुलु हुई वीरान जा वारी , तहिं वारीअ ते थी गुलजारी ।
सत्संग जी फूली फुलवाड़ी । बुधो.....

44. जोगि॒युनि वेही वारी वसाई , अमरापुर जी बा॒णी ठाही ।
वारीअ ते वेही बा॒णी गाई । बुधो.....

45. बा॒रहीं चेट जे मेलो लगा॒यो , भजन भोजन उति खूब हलायो ।
सुवाली खाली ना मोटायो । बुधो......

46. प्रेम प्रकाशी पंथु बणायो , सत्नाम साक्षी मंत्र जपायो ।
धर्म सनातन झण्डो झुलायो । बुधो....

47. आशिक हलिया अर्श उदा॒मी , ज्योती ज्योति समाया स्वामी।
अन्तर्ध्यान थ्या अन्तर्यामी । बुधो....

48. अमरापुर खां आशिक आया , अमर उन्हनि उपदेश सुणाया।
अमरापुर में वञींं समाया । बुधो....