മയില് കയ്യേറിയ വീട് | Peacock at Home | Kollam
Автор: Kaumudy
Загружено: 2023-02-11
Просмотров: 318022
Описание:
#peacock #peacockvideos #kerala
ഒരു പക്ഷിയും കുടുംബവും നിങ്ങളുടെ വീട് കയ്യേറിയാല് എന്ത് ചെയ്യും. കയ്യേറ്റക്കാരി ദേശീയ പക്ഷി കൂടി ആകുമ്പോള് ആരുമൊന്ന് അമ്പരക്കും. വനനിയമങ്ങളും നിയമ നടപടികളും നിങ്ങളെ ഇരുത്തി ചിന്തിപ്പിക്കും. മറ്റാര്ക്കുമുണ്ടാകാത്ത അത്യപൂര്വ സാഹചര്യം വിവരിക്കുകയാണ് കൊല്ലം രാമന്കുളങ്ങര വരമ്പേല് ജംഗ്ഷനില് പുള്ളിയില് വടക്കതില് രാജന് പിള്ളയും കുടുംബവും....
വീട്ടുകാരെ ഭയപ്പാടിലാക്കിയ മയിലിന്റേയും അഞ്ച് കുഞ്ഞുങ്ങളുടേയും കഥയാണിത്.
അര്ദ്ധരാത്രിയില് വീട്ടിലെ കിടപ്പ് മുറിയില് അതിക്രമിച്ച്കയറി കിടക്ക കൈയ്യേറിയ വിരുദത്തിയെ സാഹസികമായിട്ടാണ് കീഴടക്കിയത്..
കഴിഞ്ഞ ദിവസം ഏകദേശം രാത്രി പതിനൊന്ന് മണിയോടുകൂടിയാണ് മയില് കുടുംബം, രാജന് പിള്ളയുടെ വീടിന്റെ മുന്വാതില് വഴി ഉള്ളില് കടന്നത്. ഇവര് രാജന് പിള്ളയുടെ വീട്ടിലെ കിടപ്പുമുറിയില് കയറി പരിസരം വീക്ഷിച്ചു. ആദ്യം കണ്ണില് പെട്ടത് ഷീറ്റ് വിരിച്ച നല്ലകിടക്ക' യാണ്. പിന്നൊന്നും ആലോചിച്ചില്ല കിടക്കയില് കയറി കുഞ്ഞുങ്ങളെ ചിറകിനുള്ളിലാക്കി ഉറക്കം ആരംഭിച്ചു.
ഈ സമയം പ്രായമായ രാജന് പിള്ളയും ഭാര്യയും മാത്രമായിരുന്നു വീട്ടില്.കാടിറങ്ങി വീട്ടിലെത്തിയ മയില് അവിടെ സ്ഥിരതാമസമാക്കുമോ എന്നതായിരുന്നു രാജന്പിള്ളയുടെ ചിന്ത.
മകനും മരുമകളും
സമീപത്തെക്ഷേത്രോത്സവത്തിന് പോയ സമയത്താണ് മയിലും അഞ്ചു കുഞ്ഞുങ്ങളും വീട്ടില് കയറി മുറി കയ്യടക്കിയത്. ഈ ദേശീയ കുടുംബത്തെ ഇറക്കിവിടാന് ശ്രമിച്ചെങ്കിലും പുറത്ത് പോകാന് മയിലും കുഞ്ഞുങ്ങളും തയ്യാറായില്ല.
പരിഭ്രാന്തിയിലായ രാജന് പിള്ളയും' ഭാര്യയും മകനെ ഫോണില് വിളിച്ചു കാര്യം പറഞ്ഞു. റോഡിലെ തിരക്കുകാരണം മകന് മണിക്കൂറുകള് കഴിഞ്ഞാണ് വീട്ടിലെത്തിയത്. അപ്പോഴേക്കും ഭയം വിട്ട് മാറിയ രാജന് പിള്ള വീട്ടില് കരുതിയ കടല മയിലമ്മയ്ക്ക് നല്കിയെങ്കിലും കഴിക്കാന് കൂട്ടാക്കാതെ കട്ടിലില് തന്നെ ഇരുപ്പുറപ്പിച്ചു. മകനെത്തി കാഴ്ച കണ്ടു.
ദേശീയപക്ഷിയായ മയിലിന് എന്തെങ്കിലും സംഭവിച്ചാല് കെണിയിലാകുമെന്ന് മനസിലാക്കി അര്ദ്ധരാത്രിതന്നെ വനം വകുപ്പിനെ വിവരം അറിയിച്ചു. വനം വകുപ്പ് ജീവനക്കാര് വീട്ടിലെത്തി വളരെ സാഹസികമായി ശ്രദ്ധയോടെ മയിലിനെ പിടികൂടി.
ഈ പ്രദേശത്ത് തന്നെ മുട്ടയിട്ട് വിരിഞ്ഞമയിലിനെയും കുഞ്ഞുങ്ങളെയും മറ്റ് ഏതെങ്കിലും മൃഗങ്ങള് ആക്രമിക്കാന് ശ്രമിച്ചപ്പോള് അഭയം തേടി വീടിനുള്ളില് കയറിയാതാകാമെന്ന് വനം വകുപ്പ് ഉദ്യോഗസ്ഥര് പറഞ്ഞു.
മയിലിനെ പിടികൂടി വനംവകുപ്പ് ഉദ് ദ്യോഗസ്ഥര് രാജന് പിള്ളയുടെ വീട് വിട്ടപ്പോള് ഏകദേശം വെളുപ്പിന് മൂന്ന് മണി കഴിഞ്ഞു.
ഉറക്കം പോയെങ്കിലും മണിക്കൂറുകള് നീണ്ട ടെന്ഷന് മാറി കിട്ടിയതിന്റെ സന്തോഷത്തിലാണ് രാജന് പിള്ളയും കുടുംബവും. മയിലും കുഞ്ഞുങ്ങളും വനം വകുപ്പ് ഓഫീസില് സുരക്ഷിതരും.
For advertising enquiries contact : 9745319022
Subscribe for More videos :
https://goo.gl/TJ4nCn
Find us on :-
YouTube : https://goo.gl/7Piw2y
Facebook : http://goo.gl/5drgCV
Website : http://kaumudy.tv
Instagram :
/ kaumudytv
/ keralakaumudi
/ kaumudymovies
Повторяем попытку...
Доступные форматы для скачивания:
Скачать видео
-
Информация по загрузке:
