Jay Miller | SCHOMOL ÜBERLEIT [Nas “In between us” Instrumental]

Описание: Instagram: Jay MillerOfficial

Free download:
  / schomol-uberleit  

Instrumental von Nas "In between us"
https://open.spotify.com/track/3RtvEm...

Herzlichen Dank an Urs "Üse" Tanner für Recording und Mix
und an David Schranz für Video Editing!!

Lyrics:

Verse 1
Gseh was ide News stoht
alli Läde gschlosse keine meh wo usem Hus goht
riese Diskussione - Experte werdet usgfrogt
was wenn dRechnig unterm Strich denn nöd ufgoht

was wenn dMedizin und Nahrig emol usgoht
paari seged überreagiert und andri zu spot
vieli wüsseds besser aber keine wo vorus goht
liebe Bundesrot, viel erfolg bi dere Ufgob

keine git mer dHand, mir redet dur e Glaswand
dLüt sind durenand, verlüred zmol de Astand
Kriisezuestand, dSituation isch agspannt
Sali mitenand bitte 2 Meter Abstand

sie seged bliib gsund und bitte bliibed dihai
paar hend dBude voll andri fühled sich allei
dChinde würed gern use go spiele aber nei
sie werdet wieder hai gschickt vo de Polizei

Chorus
schomol überleit, schomol überleit
i sottige Ziite wome schir is Loch gheit
au schomol Gedanke gmacht über dEwigkeit
und wenn du ez scho go müstisch, denksch du wärsch bereit?
schomol überleit, schomol überleit
dass sich üsi Erde vilicht ned für immer dreiht
au schomol Gedanke gmacht über dEwigkeit
und wenn du ez scho go müstisch, denksch du wärsch bereit?

Verse 2
i cha mi nume no uf Gott verloh
andri fühled sich vo Gott verloh
es goht um meh als dass me nüme cha go shoppe go
so vieles chani ned verstoh oder offe loh
drum wenn du en guete Droht hesch denn frog mol no

frogen wieme sone Kriese überstoht
vieli tusig Mensche wome ihrem Schicksal überloht
seg mer was wenn wiedermol sonen Virus umegoht
bitte frogen en da und seg mir bruched Wisheit und sin Rot

vieles wo so wichtig tue het verlürt zmol a Gwicht
aber Pflicht vome MC bliibt en wohre Bricht
es brucht immer irgendeine wo die Theme aspricht
und vilicht, denkeds ich bi nüme ganz dicht

aber er verspricht dass er sknickte Rohr ned verbricht
er chan immer öppis guets mache us jedere Gschicht
und sewige Gricht, betrifft alli us jedere Schicht
uf eimol isch alles andersch, us ewiger Sicht

Chorus
schomol überleit, schomol überleit
i sottige Ziite wome schir is Loch gheit
au schomol Gedanke gmacht über dEwigkeit
und wenn du ez scho go müstisch, denksch du wärsch bereit?
schomol überleit, schomol überleit
dass sich üsi Erde vilicht ned für immer dreiht
au schomol Gedanke gmacht über dEwigkeit
und wenn du ez scho go müstisch, denksch du wärsch bereit?

Outro
i hane Botschaft für di, ob gross oder chli
in Erinnerig teiled mer da Brot und de Wii
paar Strophe für di, ob gross oder chli
üses Lebe isch ebe au nochem Tod ned verbi