Сарыөзек гарнизонында әскери тәрбиеші офицерлерге құрмет көрсетілді

Описание: Сарыөзек гарнизонында орналасқан Қазақстан Республикасы Қарулы Күштері Ұлттық әскери-патриоттық орталығының филиалында 19 қаңтар әскери тәрбиешілер күніне арналған салтанатты іс-шара жоғары деңгейде өтті. Бұл мерекелік жиын әскери тәрбие саласында аянбай еңбек етіп жүрген офицерлер мен әскери қызметшілерге көрсетілген зор құрметтің айқын көрінісі болды.
Салтанатты шара барысында жауынгерлік дайындықта жетілдіруде, әскери тәртіпті нығайтуда және жеке құрамды патриоттық рухта тәрбиелеуде елеулі үлес қосқан бірқатар үздік тәрбиеші офицерлер мен тәрбие саласындағы әскери қызметшілер Қазақстан Республикасы Қарулы Күштері басшылығы атынан грамота және алғыс хаттармен марапатталды. Марапат иелерінің еңбегі – Отанға адал қызмет етудің, жоғары жауапкершілік пен кәсіби шеберліктің үлгісі екені атап өтілді.
Іс-шараның мәдени бөлімі де мазмұнды әрі әсерлі өтті. Сарыөзек гарнизонындағы Ұлттық әскери-патриоттық орталықтың өнерпаздары мен Кербұлақ ауданының Әбікен Сарыбаев атындағы мәдениет үйінің әншілері бірлескен концерттік бағдарламасын ұсынды. Әскери-патриоттық рухтағы әндер мен әсем әуендер көрермендерге ерекше көңіл күй сыйлап, мерекенің мәнін ашты.