DD News Mizoram Chanchinthar | 16 May 2025 | 6:30 PM

Описание: 6:30 Local Headlines:

CM Pu Lalduhoma chuan, internet kaltlanga mipuite hnena service pekchhuah tangkaizia an hriat avangin an sorkar tirh atangin hma an la nghal a, hmalak zel an tum tih vawiina Digital Transformation Conclave vawi 17 na, Aizawla neih a hmanpuina ah a sawi.

Excise and Narcotics Department leh Central YMA hnuaia Ruihhlo dotu – CADS ten ruihhlo do kawngah dan palzut loa theihtawpa thawhdun zel an rel a, mipuite puihna an ngen bawk.

LADC thutkhawm vawiina neih tura ruahman chu, High Court-a thubuai ngaihtuahlai a awm avangin High Court thu angin thulh a ni.

All Mizoram Village Council Association hruaituten Chief Minster Pu Lalduhoma kawmin, The Mizoram (Village Councils) Bill, 2025, a taka hman theih an chak tawh tih an hrilh.

MJA Gen. Hqrs buatsaihin tunlai thil thleng, Raltlan, Ramri hung leh Ruihhlo chungchang sawihona General Body Meeting Aizawl Press club ah neih mek a ni.

India in mi firfiakte laka beihpui a thlak, Operation Sindoor hlawhtlinna chhan, India sorkar leh sipaite thlawpna lantirin vawiin khan Siaha leh Lawngtlai district ah India puanzar kengin kawngzawh a ni.

Food, Civil Supplies & Consumer Affairs department leh sorkar laipui hotutenen vawiin khan Aizawlah thil man sang lutuk tur venna atana hmalak dan tur an sawiho.

Hnahthial District South Lungleng khaw ramchhung atanga kilometer 5 vel ramhnuaiah Mizorama ramsa vang tawh tak Sele ram tla lai chu Pu Lalbiaktluanga Fanai chuan a thla a la a, ram sial dang erawh a hmu lo tih kan palai a hrilh.

National

Prime Minister Narendra Modi chuan Sikkim, state a hlankai a nih champha vawi 50-na pualin state mipuite duhsakna a hlan.

Union Minister of state for Information and Broadcasting, Dr. L. Murugan chuan vawiin khan Tripura, Belonia-ah Operation Sindoor hlawhtlin lawmna lantirna, Tiranga Yatra a kaihruai.

India chuan International Monetary Fund chu Pakistan sum leh paia a puih dan ngaihtuah tha leh turin a ngen.

Press Information Bureau (PIB) chuan Pakistan-in chanchin lem a thehdarh leh thu a tarlang.

Ram chhunga sumdawng pawl hrang hrang ten Turkey leh Azerbaijan nen thawhdunna an titawp dawn.

Mount Everest-ah India leh Philippines tlanglawn mi, pahnih an thi.

France-a Cannes Film Festival vawi 78-na ah Bharat Pavilion hawn a ni.

World Health Organisation (WHO) chuan Papua New Guinea-ah zenghri vei an pung tih a puang.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram